Charter Document - 05270098
| Charter Number: | 05270098 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1259 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem MCC nono mense octobris ego Columba quondam uxor Andree Taleueal existens in mea penitus libera potestate et nos Parisettus Uuillelmus et Uualterus filii dicte Columbe renuntiantes per sacramentum nostrum omnibus aueriis et tutelis et omnibus que possent obici contra hoc instrumentum uel factum notum facimus omnibus presentes litteras inspecturis quod nos pro utilitate et necessitate nostra uendidimus concessimus et quittauimus in hereditatem perpetuam uiris uenerabilibus et religiosis abbati et conuentui Sancti Stephani Diuionensis uineam nostram super quam abbas et conuentus predicti modium unum uini censualem habebant sitam in finagio ubi dicitur en la Cuperie iuxta uineam ipsorum abbatis et conuentus ex una parte et iuxta uineam Durandi lou Gringne ex altera De cuius uenditionis pretio iusto et legittimo plenam perfectam et integram solutionem recepimus et habuimus in pecunia numerata et propter hoc de dicta uinea nos omnino deuestiuimus et dictos abbatem et conuentum corporaliter inuestiuimus et tenemur et promittimus quilibet nostrum in solidum et pro toto sub obligatione bonorum nostrorum omnium mobilium et immobilium presentium et futurorum et per sacramentum nostrum pro nobis et nostris heredibus quos ad hoc obligamus prestitum super sancti Dei euuangelia corporale dictam uineam garantire dictis abbati et conuentui perpetuo contra omnes et nos pro eis semper et ubique locorum et in omni curia contra personas omnes opponere propter hoc et respondere propriis sumptibus et eos inde conseruare modis omnibus indempnes si qui calumpniatores apparerent quod absit et in nullo de cetero per nos uel per alios uerbo uel facto seu consensu uel modo alio contraire In quorum testimonium presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Dyuionensis fecimus apponi Actum anno et mense predictis