Charter Document - 05270096
| Charter Number: | 05270096 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1259 |
| Date type: | Internal, A.D. |
| Resource Link(s): |
|
Charter:
In nomine Domini amen Nos Agnes filia condam Emengardis de Trie et Lambertus auunculus dicte Agnetis notum facimus uniuersis presentes litteras inspecturis quod cum Emengardis predicta bene compos mentis sue pro anime sue et antecessorum suorum remedio dederit et contulerit in puram et perpetuam elemosinam Deo et Hospitali Beate Marie Dyuionensis quondam uineam sitam en Longe Noe iuxta uineam Naeleti le Uacher ex una parte et iuxta aliam uineam quam idem Naeletus habet ex altera nos dictam elemosinam laudamus uolumus ac etiam acceptimus promittentes iuramento prestito corporali Quod contra dictam elemosinam factam ab Emengarde predicta non ueniemus de cetero nec uenire per alium faciemus aut etiam permittemus et dictam elemosinam prout superius est diuisa tenemur hospitali predicto et etiam promittimus uel rectori ipsius hospitalis garantire et deffendere perpetuo contra omnes et in loco et in omni curia nostris propriis missionibus et expensis nos et heredes nostros quemlibet in solidum bona nostra mobilia et immobilia presentia et futura quecumque sint et ubicumque poterunt inueniri predicto hospitali et rectori ipsius propter hoc nichilominus obligando promittens nichilominus ego Agnes predicta me contra dictam elemosinam a matre mea defuncta factam ratione auerie uel minoris etatis uel modo quolibet alio per me uel per alium de cetero non uenturam iuramento super hoc prestito corporali In cuius rei testimonium nos Agnes et Lambertus predicti presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Dyuionensis fecimus apponi Actum anno Domini MCCLIX mense iulio