Charter Document - 05270092
| Charter Number: | 05270092 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Purchase |
| Date: | 1258 |
| Date type: | Internal, A.D. |
| Resource Link(s): |
|
Charter:
Ego Guido de Mirebello curatus de Gemellis notum facio omnibus presentes litteras inspecturis quod cum uiri uenerabiles et religiosi abbas et conuentus Sancti Stephani Dyuionensis mihi uendiderint ad uitam meam precio quinquagenta librarum monete Uiennensis quas a me receperunt in pecunia numerata quicquid habent uel habere possunt et debent ratione iuris patronatus in predicta ecclesia de Gemellis et capella de Pichanges uidelicet exceptis grossis decimis et hec omnia et singula contra omnes teneantur mihi quamdiu uixero garantire post decessum meum statim ea omnia et singula ad ipsos abbatem et conuentum et eorum ecclesiam pacifice et sine contradictione reuertemur et reuerti debent In cuius rei testimonium presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Diuionensis rogaui et feci apponi Actum anno Domini MCC quinquagesimo octauo mense nouembris