Charter Document - 05270091
| Charter Number: | 05270091 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1258 |
| Date type: | Internal, A.D. |
| Resource Link(s): |
|
Charter:
Nos Amideus humilis abbas totusque conuentus ecclesie Sancti Stephani Dyuionensis notum facimus uniuersis presentes litteras inspecturis quod nos utilitate ecclesie nostre considerata uendidimus dilecto nostro domino Guidoni de Mirebello curato de Gemellis ad uitam suam pro quinquaginta libris monete Uiennensis quas ab eodem recepimus et habuimus in pecunia numerata quicquid habemus uel habere possumus et debemus ratione iuris patronatus in predicta ecclesia de Gemellis et capella de Pichanges uidelicet medietatem oblationum mortuariorum legatorum caritatum si redimantur reconciliationum absolutionum confessionum benedictionum sponsalium tricennariorum et totam minutam decimam a riuo de Prenant superius subtus riuum duas partes et minutam decimam de Pichanges et duas partes decimarum omnium uinearum dictarum uillarum et finagio et omnium earumdem et tres alias quascumque ad nos ratione iuris patronatus pertinentes exceptis grossis decimis Promittentes omnia et singula supradicta dicto Guidoni quamdiu uixerit garantire contra omnes ita quod host eiusdem domini Guidonis decessum omnia et singula supradicta pacifice et sine contradictione ad nos et nostram ecclesiam reuertemur In cuius rei testimonium presentibus litteris sigilla nostra apposuimus Actum anno Domini MCC quinquagesimo octauo mense nouembris