Charter Document - 05270089
| Charter Number: | 05270089 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1258 |
| Date type: | Internal, A.D. |
| Resource Link(s): |
|
Charter:
Nos frater Petrus dictus abbas Buxerie et nos Guillermus archipresbiter Poilleii notum facimus omnibus presentes litteras inspecturis quod in nostra presentia propter hoc specialiter constitutus Michael filius Hugonis dicti Ponot de Arneto recognouit coram nobis se pro utilitate sua speciali sponte prouide et sine circonuentione qualibet uendidisse deliberauisse concessisse quitauisse quod in hereditatem perpetuam religiosis mulieribus abbatisse et conuentui de Praalon quicquid habebat et emerat ac tenebat in uilla et in finagiis territoriis et pertinentiis de Eschanne in terris pratis nemoribus et planis aquis et aquarum decursibus mansis hominibus talliis corueiis costumis censibus decimis pasturagiis usuagiis et iusticia alta et bassa dominio forefactis emendis et in omnibus aliis bonis exitibus reditibus et conmodis ac iuribus quibuscumque Que predicta dictus Michael ab Odone domino Murmurii milite et a Philippo de Murmurio domicello sicut recognouit ipse Michael coram nobis acquisiuit titulo legitime emptionis de quibus omnibus et singulis supradictis dictus Michael se coram nobis omnino deuestiens recognouit se dictas abbatissam et conuentum corporaliter inuestisse et in plenum et in uerum dominium et possessionem corporalem ueram et perpetuam induxisse pro uoluntate earum modis omnibus et omni tempore facienda Hanc autem uenditionem recognouit se fecisse dictus Michael predictis abbatisse et conuentui pretio ducentarum et decem librarum monete Diuionensis de quibus recognouit coram nobis se ab ipsis plenam perfectam et integram solutionem recepisse et habuisse in pecunia numerata uenditionem solutionem et uestituram predictas Ysabelis uxor dicti Michaelis coram nobis laudauit uoluit et concessit preterea dicti Michael et Ysabelis tenentur et promiserunt coram nobis per sacramentum eorum super sancta Dei euuangelia prestitum corporale quilibet eorumdem in solidum et pro toto omnia et singula predicta prout in uenditione presenti continentur et ueniunt garantire libere in proprium allodium dictis abbatisse et conuentui perpetuo contra omnes et ab reemptione cuiuslibet defendere et se pro ipsis abbatissa et conuentu semper et ubique locorum et in omni curia ecclesiastica et seculari contra personas omnes opponere propter hoc et respondere propriis sumptibus et eas inde conseruare modis omnibus indempnes si qui calumpniatores apparerent quod absit et in nullo de cetero per se uel per alios uerbo uel facto seu consensu uel modo alio contraire tacite uel expresse et ad hec omnia et singula supradicta facienda et tenenda perpetuo obligauerunt quilibet eorum in solidum et pro toto dictis abbatisse et conuentui se et heredes suos presentes et futuros et omnia bona sua et heredum suorum mobilia et immobilia presentia et futura quecumque sint et ubicumque fuerint et poterint inueniri Renuntiantes quilibet ipsorum in solidum et pro toto exceptioni non numerati et non soluti sibi integre precii seu minoris aut deceptionis ultra dimidiam iusti precii dotis et ypothece priuilegiis legi Iulie de fundo dotali non alienando iuri dicenti generalem renuntiationem non ualere et omni consuetudini et statuto cuiuslibet patrie et omni alii iuris auxilio canonici et ciuilis In quorum omnium auctoritatem et munimen ad preces dictorum Michaelis et Ysabelis presentibus litteris sigilla nostra fecimus apponi in testimonium ueritatis Actum anno Domini millesimo ducentesimo quinquagesimo octauo mense augusto