Charter Document - 05270088
| Charter Number: | 05270088 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1258 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem MCC quinquagesimo octauo mense augusto ego Petrus dictus Potoz presbiter filius defuncti Iohannis de Bordis notum facio omnibus presentes litteras inspecturis quod ego pro utilitate meo uendidi concessi et quittaui in hereditatem perpetuam uiro uenerabili magistro Alberico decano Christianitatis Dyuionensis mansum totum cum muralibus fundo pertinentiis et iuribus omnibus ipsius prout ab omni parte se ingerunt qui mansus situs est Dyuione in uico Nouo iuxta mansum dicti decani qui fuit Sulart et iuxta domum eiusdem decani que fuit Gualteri de Crimolois ex una parte et iuxta mansum ipsius decani qui fuit au Chifolat ex altera De cuius uenditionis precio iusto et legittimo plenam perfectam et integram solutionem recepi et habui in pecunia numerata et propter hoc de dicto manso muralibus fundo perninentiis et iuribus omnibus ipsius mansi ego me penitus deuestiens dictum decanum corporatiter inuestiui et teneor et promitto sub obligatione bonorum meorum omnium mobilium et immobilium presentium et futurorum et per sacramentum meum pro me et meis heredibus quod ad hoc obligo prestitum corporale dictum mansum cum fundo muralibus pertinentiis et iuribus omnibus eiusdem mansi garantire dicto decano et suis heredibus perpetuo contra omnes et me pro ipso et suis heredibus semper et ubique locorum et omni curia contra personas omnes opponere propter hoc et respondere propriis sumptibus et eos inde conseruare modis omnibus indempnes si qui calumpniatores apparerent quod absit et in nullo de cetero per me uel per alium uerbo uel facto siue consensu uel modo alio contraire Renuntians in hoc facto per sacramentum meum exceptioni non traditi et non soluti mihi precii integri seu minoris aut deceptionis ultra dimidiam iusti precii et omni iuri scripto et non scripto canonico et ciuili et omni consuetudini et statuto cuiuslibet patrie et omnibus que posent obici contra presens instrumentum uel factum In quorum omnium memoriam et munimen presentibus litteris sigilla uirorum uenerabilium domini Amidei abbatis Sancti Stephani et domini Mercatoris decani Christianitatis Diuionensis feci apponi in testimonium ueritatis Actum anno et mense predictis