Charter Document - 05270086
| Charter Number: | 05270086 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1258 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem millesimo ducentesimo quinquagesimo octauo mense iullio ego Gila domina Uiuariorum notum facio omnibus presentes inspecturis quod circiter quatuordecim annis uel amplius elapsis dominus Guillelmus de Uiuariis miles frater meus defunctus in extremis laborans bene tatem compos mentis saluti et quieti anime sue prouide cupiens me fecit in eius presentia euocare asserens quod uiri religiosi abbas et conuentus Sancti Stephani Dyuionensis quartam partem quam habebat in tota decima de Granceio pro quinquagenta libris monete Stephaniensis quas in pecunia numerata receperat et habuerat tenebant titulo pignoris obligatam quam quartam partem ipsius decime pro remedio anime sue et remedio animarum antecessorum suorum in elemosinam perpetuam ecclesie predicte Sancti Stephani Diuionensis me presente contulit et concessit meque rogauit instanter ut laudarem et aprobarem et uellem elemosinam supradictam quam ego soror eius qui in bonis suis debebam succedere laudaui uolui et concessi et adhuc uolo et aprobo et concedo pariter et accepto Insuper aliam quartam partem quam habe[bat] in tota predicta decima de Granceio et eiusdem loci finagio pro remedio anime mee et animarum antecessorum meorum in elemosinam perpetuam ecclesie predicte Sancti Stephani contuli penitus et concessi preterea notum facio cunctus presentibus et futuris quod dictus frater meus me regauit humiliter ut ad dominum Henricum de Salina militem de cuius feodo mouebat et erat elemosina predicta personaliter accederem et ex parte ipsius et mea suplicarem ut elemosinam utramque laudaret et aprobaret quod idem Henricus ad preces meas fecit liberaliter et benigne hec autem omnia prout diuisa sunt superius promitto per sacramentum tenere firmiter et inuiolabiliter perpetuo et in nullo per me uel per alium aliquo tempere contraire et eadem omnia confiteor esse uera per sacramentum predictum suplicans per presentes litteras reuerendo patri G Dei gratia episcopo Lingonensi ut predictas elemosinas auctoritate ordinaria confirmare dignetur et super hoc tradere suas litteras patentes abbati et conuentui supradictis In quorum omnium memoriam et munimen presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Dyuionensis supplicaui et feci aponi in testimonium ueritatis Actum anno et mense predictis