Charter Document - 05270084

In nomine Domini amen Ego Poncardus de Duismo Montis Raimberti dominus notum facio omnibus presentes litteras inspecturis quod ego diem extreme messionis operibus Misericordie preuenire et anime mee saluti prouidere cupiens pro salute et remedio anime mee et anime domine Ysabellis uxoris mee et animarum omnium antecessorum meorum dedi et concessi in puram et perpetuam elemosinam Deo et ecclesie Sancti Stephani Dyuionensis et uiris uenerabilibus et religiosis [] abbati et conuentui ibidem Deo seruientibus uiginti eminas bladi medietatem frumenti medietatem ordei ad mensuram Dyuionensem quas assedi predictis abbati et conuentui et eorum successoribus percipiendas et habendas super omnia molendina mea de Salone la Rue que uocantur Bruchet sita ante portam domus mee de Sa lone la Rue singulis annis inperpetuum de cetero terminis inferius annotatis uidelicet infra festum Omnium Sanctorum decem eminas dicti bladi frumenti et ordei et infra festum sequens Penthecostes alias decem eminas bladi superius nominati dedi insuper et concessi in puram et perpetuam elemosinam Deo et ecclesie predicte Sancti Stephani Diuionensis et abbati et conuentui ibidem Deo seruientibus sex modios puri uini ad modium Dyuionensem quos assedi eisdem abbati et conuentui et eorum successoribus percipiendos et habendos singulis annis inperpetuum de cetero uindemiarum tempore super uineam meam de Salone la Rue quam acquisiui titulo legitime emptionis circiter triginta iornalia continentem sitam in loco ubi dicitur en Brutigne iuxta uineam maioris de Faenay ex una parte et iuxta campum ipsius maioris ex altera uidelicet de uino puro mustali ipsius uinee in puris racemis mustalibus in capite predicte uinee et in cuppa ita quod quicumque dicta molendina et dictam uineam tenebunt a modo pro tempore dictas uigenti eminas dicti bladi et dictos sex modios uini ad mensuram et modium predictos annuatim terminis locis et modo ac forma premissis mandato dictorum abbatis et conuentus inperpetuum de cetero sine difficultate et occasione ac dilatione qualibet et sine aliquo alio impedimento reddant et reddere teneantur et ad hoc ipsa molendina et eorum omnes redditus et exitus et dictam uineam et omnes illos qui ipsa molendina et ipsam uineam quocumque iure et quacumque ratione de cetero tenebunt pro tempore dictis abbati et conuentui et eorum successoribus inperpetuum obligaui et si quod absit molendina predicta de locis in quibus modo sunt remoueri uel ea peiorari aut ad nichilum redigi contigerit et maxime si de dicta uinea dicti sex modii uini aliquotiens persolui non possent uolo et percipio et exnunc presentialiter instituto ut illi qui gaangnagium meum et homines meos et tallias meas de Salone la Rue cum aliis reditibus et bonis meis uille predicte presentibus et futuris tenebunt pro tempore dictas uiginti eminas dicti bladi et dictos sex modios uini predicti de frumento ordeo et uino equiualentibus mandato dictorum abbatis et conuentus inperpetuum annuatim de cetero locis terminis et modo premissis sine contradictione cuiuslibet et absque impedimento aliquo reddant et reddere teneantur et ad hoc ipsum gaangnagium et homines meos et tallias meas de Salone la Rue cum reditibus et bonis meis uille predicte presentibus et futuris dictis abbati et conuentui inperpetuum obligaui et de ipsis uiginti eminis dicti bladi et de dictis sex modiis uini predicti percipiendis et habendis singulis annis in perpetuum de cetero locis terminis et modo superius expressis predictam ecclesiam Sancti Stephani per manum uenerabilis et religiosi uiri domini Amidei tunc abbatis eiusdem ecclesie corporaliter inuestiui et in uerum dominium et corporalem ueram et perpetuam possessionem induxi promittens per sacramentum meum prestitum super Sancta Dei Euuangelia corporale predictam elemosinam prout est expressa superius tenere firmiter et contra omnes dictis abbati et conuentui perpetuo garantire et in nullo de cetero per me uel per alium uerbo uel facto siue consensu uel occasione aliqua contraire Insuper ad maioris caritatis cumulum et gratitudinis ac dilectionis quam erga predictam ecclesiam specialiter habeo eidem ecclesie et prefatis abbati et conuentui et eorum successoribus in elemosinam perpetuam do concedo trado et quitto medietatem tocius iustitie qualiscumque et iurisdictionis quam et quicquid aliud iustitie et iurisdictionis ac iuris aut rationis alterius habebam et habere poteram et debebam in hominibus eiusdem ecclesie de Salone la Rue presentibus et futuris quos habent et habebunt in posterum apud Salonem la Rue et in heredibus et tenementis eorumdem hominum presentibus et futuris et inde predictam ecclesiam per manum dicti domini Amidei abbatis ipsius ecclesie corporaliter inuestiui nichil pro me uel heredibus meis in predictis hominibus heredibus et tenementis eorum presentibus et futuris iustitie maioris uel minoris uel iurisdictionis siue iuris aut rationis alterius penitus retinendo elemosinam autem donationem concessionem et quittationem predictos et omnes conuentiones que in presentibus litteris continentur Ego Ysabellis uxor dicti domini Poncardi bona propria et spontanea uoluntate mea laudo uolo et concedo et tenere facere et observare promitto firmiter et inviolabiliter inperpetuum per sacramentum meum prestitum corporale et in nullo de cetero per me uel per alium uerbo uel facto siue consensu uel iure dotis aut donationis propter nuptias uel modo quolibet alio contraire et ego Petrus dominus de Saumaise filius quondam nobilis uiri Guillelmi domini Montis Sancti Iohannis de cuius feodo dicta molendina de Salone la Rue mouent elemosinam predictam et concessionem dictarum uiginti eminarum dicti bladi laudo uolo et concedo dictis abbati et conuentui et eorum successoribus et inperpetuum confirmo prout superius continetur In premissorum autem omnium auctoritatem testimonium et munimen nos Poncardus et Ysabellis uxor eius predicti presentibus litteris sigilla nostra apposuimus et ad maiorem firmitatem omnium predictorum nos Poncardus et Ysabellis ac Petrus predicti presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Dyuionensis rogauimus et fecimus apponi Actum anno Domini MCC quinquagesimo septimo mense marcio