Charter Document - 05270081
| Charter Number: | 05270081 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1257 |
| Date type: | Internal, A.D. |
| Resource Link(s): |
|
Charter:
Nos Mercator decanus capelle Ducis et magister Albericus decanus Christianitatis Dyuionensis notum facimus omnibus presentes litteras inspecturis quod in nostra presentia propter hoc specialiter constitutus Uuillelmus dictus Pautins burgensis Dyuionensis sanus mente licet eger corpore pro remedio anime sue et anime uxoris sue et animarum antecessorum suorum dedit et concessit in puram elemosinam et hereditatem perpetuam Deo et ecclesie Sancti Stephani Dyuionensis pro suo et dicte uxoris sue et antecessorum suorum anniuersario singulis annis die sui obitus in predicta ecclesia perpetuo celebrando domum suam ligneam sitam Dyuione in platea Sancti Michaelis inter domum Constancii de Ougiis ex una parte et domum Guidonis Carpentarii ex altera cum manso retro dictam domum sito et omnibus appenditiis domus eiusdem dedit insuper et concessit in elemosinam et hereditatem perpetuam Deo et ecclesie Sancti Stephani predicte mansum unum situm Diuioni ad Portam Comitis de Sauz iuxta domum Thome Barberii ex una parte et iuxta domum Emeline la Piarde ex altera uolens idem Uuillelmus et concedens quod siue decedat siue non dicta domus cum manso et eius appenditiis omnibus aliis ac dictus mansus situs ad dictam Portam Comitis ad dictam ecclesiam pertineant pleno iure deuestiendo se penitus de predictis omnibus singulis et abbatem et conuentum ipsius ecclesie coram nobis in corporalem et plenam possessionem inducendo de eisdem promisit autem idem Uuillelmus coram nobis hec omnia et singula dictis abbati et conuenuti contra omnes perpetuo garantire et ad hoc obligauit se et heredes suos et bona sua mobilia et immobilia presentia et futura hanc autem donationem laudauerunt coram nobis Regina uxor dicti Uuillelmi Odo Bartholomeus Iacobus et Iohannes liberi eiusdem Uuillelmi promittentes per fidem suam unanimiter et corporaliter prestitam quod contra dictam donationem per se uel per alium non uenient in posterum tacite uel expresse In quorum testimonium ad preces predictorum presentibus litteris sigilla nostra apposuimus Actum anno Domini MCC quinquagesimo septimo mense septembri