Charter Document - 05270080
| Charter Number: | 05270080 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1257 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem MCC quinquagesimo septimo mense augusto ego Sybilla quondam uxor domini Petri Sescalli militis defuncti notum facio omnibus presentes litteras inspecturis quod cum Aalidis nutrica mea filia Renerii filii domini Guillelmi dicti Rubei militis in domo mea per longum tempus se fideliter habuerit et honeste ego nolens ut quod pie de ipsa incepi penes me in perfectum remaneat ipsi dedi et concessi in elemosinam et hereditatem perpetuam debitum in quo dominus Iohannes de Tenisseio miles frater meus mihi tenetur et unum iornale uinee situm in finagio de Mont Chape iuxta uineam Leprosorum Diuionensium ex una parte et iuxta uineam Roberti lou Iai ex altera et de ipso iornali uinee et de dicto debito et de omnibus iuribus rationibus et actionibus que mihi ratione ipsius debiti competebant erga predictum dominum Iohannem fratrem meum ego me penitus deuestiens predictam Aalidem corporaliter inuestiui et in uerum dominium et possessionem corporalem ueram et perpetuam induxi pro uoluntate sua plenarie facienda et ad hec omnia tenenda perpetuo meos heredes obligaui In quorum testimonium presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Diuionensis feci apponi Actum anno et mense predictis