Charter Document - 05270079
| Charter Number: | 05270079 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1257 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem MCC quinquagesimo septimo mense maii ego Uuaucherus dictus de Arcu cordubinarius et ego Perronetta uxor eius notum facimus omnibus presentes litteras inspecturis quod nos pro utilitate et necessitate nostra uendidimus concessimus et quittauimus in hereditatem perpetuam Andree lou Tounelier peciam unam uinee sitam in territorio de Fontanis ubi dicitur en Champ Communal iuxta uineam Lamberti de Ualle ex una parte et iuxta charreriam ex altera et se ingerit supra uineam Renaudi de Uilla Bichot De cuius uenditionis precio plenam perfectam et integram solutionem recepimus et habuimus in pecunia numerata et propter de dicta pecia uinee nos omnino deuestiuimus et dictum Andream corporaliter inuestiuimus et tenemur et promittimus quilibet nostrum in solidum et pro toto sub obligatione bonorum nostrum omnium mobilium et immobilium presentium et futurum et per sacramentum nostrum pro nobis et nostris heredibus quos ad hoc obligamus prestitum corporale dictam peciam uinee garantire dicto Andree et suis heredibus perpetuo contra omnes quittam et liberam ab omni exactione et onere pro recta decima et recto censu et nos pro ipso et suis heredibus semper et ubique locorum et in omni curia contra personas omnes opponere propter hoc et respondere propriis sumptibus et eos inde conseruare modis omnibus indempnes si qui calumpniatores apparent quod absit et in nullo de cetero per nos uel per alios uerbo uel facto siue consensu uel modo alio contraire Hanc autem uenditionem nos Iohannes Iuhannetta Gualterinus dictus Digenoz et Hugonettus liberi dictorum Uuaucheri et Perronette laudamus et ratam et firmam habemus et promittimus in perpetuum habere iuramento prestito corporali et in nullo de cetero per nos uel per alios ratione auerie uel minoris etatis aut modo alio contraire In quorum testimonium et munimen nos omnes predicti presentibus litteris sigilla uirorum uenerabilium domini Mercatoris decani capelle Ducis Alberici decani Christianitatis Diuionensis fecimus apponi Actum anno et mense predictis