Charter Document - 05270078

In nomine Domini amen Anno incarnationis eiusdem millesimo ducentesimo quinquagesimo septimo mense aprilis ego Eurardus Rafoneaus et ego Acelina uxor eius notum facimus omnibus presentes litteras inspecturis quod nos pro utilitate et necessitate nostra uendidimus concessimus et quittauimus in hereditatem perpetuam uiris religiosis magistro et fratribus Domus Dei de Tilecastro petiam unam uinee sitam in finagio ubi dicitur en Ualemin inter uineas eorumdem magistri et fratrum hinc inde et ab uno latere iuxta uineam Vilermi de Asneriis et a parte superiori iuxte uineam Renaudi de cuius uenditionis pretio plenam perfectam et integram solutionem recepimus ei habuimus in pecunia numerata et propter hoc de dicta petia uinee nos omnino deuestiuimus et dictos magistros et fratres corporaliter inuestiuimus et tenemur et promittimus quilibet nostrum insolidum et pro toto sub obligatione bonorum nostrorum omnium mobilium et immobilium presentium et futurorum et per sacramentum nostrum pro nobis et nostris heredibus quos ad hoc obligamus prestitum corporale dictam petiam uinee garantire dictis magistro et fratribus et eorum successoribus perpetuo contra omnes et nos pro eis et eorum successoribus semper et ubique locorum et in omni curia contra personas omnes oponere propter hoc et respondere propriis sumptibus et eos inde conseruare modis omnibus indemnes si qui calumniatores aparerent quod absit et in nullo de cetero per nos uel per alios uerbo uel facto siue consensu uel iure quolibet aut modo alio contraire hanc autem uenditionem nos Nazaria Ioanna et Margareta filie dictorum Eurardi et Aceline laudamus et ratam ac firmam habemus et promitimus in perpetuum habere iuramento prestito corporali et in nullo de cetero per nos uel per alios ratione auerie uel minoris etatis uel modo aliquo contraire renuntiamus autem nos Euurardus Acelina Nozaria Ioanna et Margareta in hoc facto et ex certa scientia prestito corporaliter iuramento exceptioni non numerati et non traditi nobis integre pretii dotis et hypotece priuilegiis legi Iulie de fundo dotali non alienando etatis minoris et patrie potestatis et omnis iuris tam canonici quam ciuilis beneficio In quorum testimonium presentibus litteris sigilla uirorum uenerabilium uirorum domini Mercatoris decani capelle ducis et magistri Alberici decani Christianitatis Dyuionis fecimus apponi Actum anno et mense predictis