Charter Document - 05270077

Nos Iehanz de Trichatel facon sauoir a touz cels qui uerront ces presentes lettres que comme nos par requeste et par la priere de l'abbe de Saint Estiene de Dyion aiens pris et fait panre les homes et les fames d'Aust la quele uile est de l'eglise de Saint Estiene deuant dite eglise et touz les mambres de l'eglise de toutes coustes de toutes missions et de touz damages et de toutes acusons fors seulement tant que si li rois de France ne ses commandemenz ne messires li dus de Borgoigne ne ses commandemenz nos an metient an plait ne demandient riens que li deuant diz abbes nos est tenuz de parte garantie et de garder de domages uers aus En tesmoignage de la quel chose nos auons baillies au deuant dit abbe de Saint Estiene de Dyion ces lettres selees de nostre sel et ce fut fait an l'an de l'incarnation nostre seignor qui corroit par M et CC et LUII ou mois d'auril