Charter Document - 05270076
| Charter Number: | 05270076 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1256 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Odinus filius Amaurici de Ycio confiteor et recognosco me pro uoluntate mea uendidisse et concessisse atque quitauisse in hereditatem perpetuam magistro et fratribus Domus Dei de Tilicastro unum mansum situm Diuione in uico qui uocatur Domus Dei iuxta domum quam dicti magister et fratres emerunt de Guillelmo dicto Bereteigne ex una parte et iuxta domum relicte et heredum Auberici dicti Cornuti fratris mei defuncti ex altera de cuius uenditionis pretio me teneo et habeo in numerata pecunia penitus pro pagato et propter hoc de dicto manso me penitus deuestiens dictos magistrum et fratres corporaliter inuestiui et teneor et promitto sub obligatione bonorum meorum omnium et iuramento pro me et meis heredibus quos ad hoc obligo specialiter prestito corporali dictum mansum garantire dictis magistro et fratribus et eorum successoribus perpetuo contra omnes et in nullo de cetero per me uel per alium contraire hanc autem uenditionem ego Bartolomeus frater dicti Odini et ego Maria uxor eiusdem Odini laudamus et ratam et firmam habemus et promittimus imperpetuum habere iuramento prestito corporali et in nullo de cetero per me uel per alios ratione partitionis uel diuisionis non facte siue non habite uel dotis aut dotalitii siue modo alio contraire In premissorum autem omnium testimonium et munimen nos Odinus Bartolomeus et Maria predicti presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Diuionensis fecimus apponi Actum anno Domini millesimo ducentesimo quinquagesimo sexto mense iannuario