Charter Document - 05270074
| Charter Number: | 05270074 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1256 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Petrus dictus de Belna burgensis Dyuionensis existens in bona dispositione mentis et corporis provide considerans et attendens quod nichil est morte cercius nichil incercius hora mortis ob hoc ego diem extreme messionis operibus misericordie preuenire et anime mee saluti prouidere cupiens sciens insuper quod census et decimas quibus ecclesie Beati Stephani Dyuionensis teneor de longinquis temporibus preteritis male soluerim inde scio me grauiter erga predictam ecclesiam oneratum pro remedio anime mee et animarum omnium antecessorum meorum et ob restitutionem censuum et decimarum predictarum dedi concessi et quittaui in elemosinam et hereditatem perpetuam Deo et ecclesie predicte Beati Stephani Dyuionensis et uiris uenerabilibus et religiosis abbati et conuentui ibidem Deo seruientibus domum meum quam acquisiui titulo legitime emptionis cum manso pertinente ad ipsam domum sitam Dyuioni in uico de la Belaincherie iuxta domum a la Seschalesse ex una parte et iuxta domum Stephani Ualliot ex altera et de ipsa domo et de manso ad eam pertinente ego me penitus deuestiens et dictos abbatem et conuentum et ecclesiam Sancti Stephani Dyuionensis per manum uenerabilis et religiosi uiri domini Amidei abbatis eiusdem ecclesie corporaliter inuestiui et in uerum dominium et possessionem corporalem et perpetuam induxi promittoque per sacramentum meum prestitum corporale elemosinam restitutionem donationem concessionem et quittationem predictas tenere et seruare firmiter et inuiolabiliter perpetuo et in nullo de cetero per me uel per alium uerbo sine facto consensu consuetudine constitutione uel iure quolibet contraire et ad garantiam super predictis portandam dictis abbati et conuentui perpetuo meos heredes specialiter obligaui hec autem omnia et singula supradicta ego Emeniardis uxor dicti Petri laudo et rata et firma habeo spontanea non coacta nec in aliquo circonuenta et promitto imperpetuum habere per sacramentum meum corporaliter prestitum et in nullo de cetero per me uel per alium uerbo uel facto uel consensu seu iure dotis aut donationis propter nuptias uel modo quolibet contraire In premissorum autem omnium testismonium et munimen nos Petrus et Emeniardis predicti presentibus litteris sigilla uirorum uenerabilium domini Mercatoris decani capelle ducis et magistri Alberici decani Christianitatis Dyuionensis supplicauimus et fecimus apponi Actum anno Domini MCC quinquagesimo sexto mense []