Charter Document - 05270072

In nomine Domini amen Ego Dominicus uocatus Petit Consoil et ego Dannoz uxor eius pro utilitate et necessitate nostra uendidimus concessimus et quittauimus in heredidatem perpetuam uiris uenerabilibus et religiosis abbati et conuentui Sancti Stephani Dyuionensis domum nostram cum uirgulto retro sito et cum manso et omnibus aliis iuribus et appendiciis ad ipsam domum pertinentibus sitam Dyuioni in uico Boichefo iuxta domum Iohannis de Fontanis ex una parte et iuxta domum Gilete filie ipsius Iohannis uxoris Willelmi Lamberti ex altera et tres pecias terre arabilis integras circiter decem iornalia continentes quarum una sita est supra Dyuionem in loco ubi dicitur ou Tertre Carceau iuxta uineas ex una parte et iuxta terram Guillelmi Aucorroise ex altera alia que uocatur Contorium sita est ad riuum de Poille et se ingerit uersus Espireium ex una parte et supra Magnum Cheminum ex altera et alia que uocatur Paruum Contorium sita est et contornat supra contorium aliud supradictum de precio autem uenditionis istius nos tenemus et habemus in numerata pecunia pro pagatis penitus et contentis exceptioni non numerate et non solute atque non tradite nobis pecunie renuntiantes expresse et propter hoc de dictis domo uirgulto manso et aliis iuribus et appendiciis omnibus ipsius domus et de dictis tribus peciis terre nos omnino deuestiuimus et dictos abbaten et conuentum per manum uenerabilis et religiosi uiri domini Amidei tunc abbatis predicte ecclesie Sancti Stephani corporaliter inuestiuimus et in uerum dominium et corporalem ac perpetuam possessionem induximus pro uoluntate ipsorum abbatis et conuentus modis omnibus et omni tempore facienda et tenemur et promittimus quilibet nostrum in solidum et pro toto sub obligatione bonorum nostrorum omnium mobilium et immobilium presentium et futurorum et per sacramentum nostrum pro nobis et nostris heredibus quos obligamus ad hoc prestitum corporale omnia et singula supradicta prout in presenti uenditione ueniunt garantire dictis abbati et conuentui et eorum successoribus perpetuo contra omnes et nos pro ipsis semper et ubique locorum et in omni curia propter hoc opponere et respondere propriis sumptibus et eos inde conseruare modis omnibus indempnes si qui calumpniatores apparerent quod absit et in nullo de cetero per nos uel per alios uerbo uel facto uel consensu uel iure quolibet contraire hanc uenditionem nos Iohannes clericus et Renaudus filii dictorum Dominici et Dannot laudamus et ratam et firmam habemus et promittimus imperpetuum habere iuramento prestito corporali et in nullo de cetero per nos uel per alios uerbo uel facto uel consensu uel ratione auerie uel diuisionis non facte seu precium integre uel competenter non habitarum uel iure quolibet contraire In quorum testimonium et munimen nos Dominicus Dannoz Iohannes et Renaudus predicti presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Dyuionensis supplicauimus et fecimus apponi Actum anno Domini MCC quinquagesimo sexto mense