Charter Document - 05270071
| Charter Number: | 05270071 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1256 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Gualterus dictus de Crimolois et ego Eremburgis dicta Rosa uxor eius pro utilitate et necessitate nostra uendidimus concessimus et quittauimus in hereditatem perpetuam uiro uenerabili magistro Alberico decano Christianitatis Diuionensis domum quandam cum manso ad eam pertinente sitam Dyuione retro Sanctum Michaelem in Roelleta iuxta mansum ipsius decani qui fuit domini Petri Potot presbiteri ex una parte et iuxta uiam publicam ex altera De cuius uenditionis precio plenam perfectam et integram solutionem recepimus et habuimus in pecunia numerata et propter hoc de dicta domo et de manso ad eam pertinente nos omnino deuestiuimus et decanum predictum corporaliter inuestiuimus et tenemur et promittimus quilibet nostrum in solidum et pro toto sub obligatione bonorum nostrorum omnium mobilium et immobilium presentium et futurorum et per sacramentum nostrum pro nobis et nostris heredibus quos ad hoc obligamus prestitum corporale dictam domum cum manso ad eam pertinente garantire dicto decano et suis heredibus perpetuo contra omnes et nos pro ipso et suis heredibus semper et ubique locorum in omni curia et in iudicio et extra contra quascumque personas opponere propter hoc et respondere propriis sumptibus et eos inde conseruare modis omnibus indempnes si qui calumpniatores apparerent quod absit et in nullo de cetero per nos uel per alios uerbo uel facto sine consensu uel iure quolibet contraire Hanc autem uenditionem nos Milo et Acelina liberi dictorum Gualteri et Eremburgis et ego Gaufridus maritus dicte Aceline laudamus et ratam et firmam habemus et promittimus in perpetuum habere iuramento prestito corporali et in nullo de cetero per nos uel per alios ratione uel occasione siue iure dotis aut donationis propter nuptias siue tutele uel auerie uel iure quolibet contraire Renuntiamus autem nos Gualterus Eremburgis Milo Acelina et Gaufridus predicti quilibet nostrum in solidum et pro toto ex certa sciencia per sacramentum prestitum in hoc facto exceptioni non habiti integre precii siue minoris aut deceptionis ultra dimidiam iusti precii fori priuilegio et omni consuetudini et statuto cuiuslibet patrie legi Julie de fundo dotali non alienando etatis minoris et patrie siue cuiuslibet alterius potestatis auxilio et omni alii auxilio uiris canonici et ciuilis In quorum testimonium presentibus litteris sigilla uirorum uenerabilium domini Amidei abbatis Sancti Stephani et domini Mercatoris decani capelle Ducis Diuionensis fecimus apponi Actum anno Domini MCC quinquagesimo sexto mense decembri