Charter Document - 05270070
| Charter Number: | 05270070 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1256 |
| Date type: | Internal, A.D. |
| Resource Link(s): |
|
Charter:
In nomine Domini amen Anno incarnationis eiusdem MCC quinquagesimo sexto mense decembri ego Margareta relicta Laurencii dicti Iudei de Talant et ego Iohannes filius eius pro utilitate et necessitate nostra uendidimus concessimus et quittauimus in hereditatem perpetuam uiris religiosis abbati et conuentui Sancti Stephani Dyuionensis peciam unam terre continentem circiter quateruiginti et quatuor pedes de largo et circiter sexaginta et duodecim pedes de longo sitam apud Altam Uillam inter terram nostram et clausum dictorum abbatis et conuentus de cuius uenditionis precio nos tenemus et habemus in numerata pecunia penitus pro pagatis et propter hoc de dicta pecia terre nos omnino deuestiuimus et dictos abbatem et conuentum corporaliter inuestiuimus et tenemur et promittimus sub obligatione bonorum nostrorum et iuramento pro nobis et nostris heredibus quos obligamus ad hoc prestitum corporale dictam peciam terre garantire quilibet nostrum insolidum et pro toto dictis abbati et conuentui et eorum successoribus perperpetuo contra omnes et in nullo de cetero per nos uel per alios uerbo uel facto sine consensu uel iure quolibet contraire In quorum testimonium sigillum domini Mercatoris decani capelle Ducis et sigillum magistri Anserici decani Christianitatis Dyuionensis fecimus apponi Actum anno et mense predictis