Charter Document - 05270069
| Charter Number: | 05270069 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Religious |
| Charter Type(s): | Consent |
| Date: | 1256 |
| Date type: | Internal, A.D. |
| Resource Link(s): |
|
Charter:
Omnibus presentes litteras inspecturis frater Amideus permissione diuina humilis abbas et conuentus ecclesie Sancti Stephani Diuionensis salutem in Auctore salutis Nouerit uniuersitas uestra quod nos deuotioni dilectioni et liberalitati quas dilectum et fidelem nostrum dominum Poncardum de Duismo dominum Montis Raimberti militem erga nos et nostram ecclesiam habere diutius nouimus humiliter occurentes deuote et intuitu pietatis ad preces ipsius instantissimas instituimus in ecclesia nostra Beati Stephani Diuionensis quoddam altare in quo pro salute ipsius et domine Ysabellis uxoris ipsius quedam missa sollempnis annuatim quamdiu uixerint de Sancto Spiritu celebrabitur et post decessum eorum extunc perpetuo singulis diebus in altari predicto missa de defunctis pro remedio animarum eorum celebrabitur et ad hoc canonicum unum de ecclesia nostra instituemus Preterea dedimus dicto domino Poncardo ad uitam ipsius triginta libras Diuionensium annue pensionis reddendas ei uel eius mandato annuatim quamdiu uixerit terminis subnotatis apud Diuionem in ecclesia nostra uidelicet ad Natiuitatem Domini quindecim libras ipsius monete et ad Natiuitatem Beati Iohannis Baptiste alias quindecim libras eiusdem monete ita quod post eius decessum statim a solutione ipsarum triginta librarum nos et successores nostri et ecclesia nostra quitti erimus et penitus absoluti In cuius rei testimonium presentibus litteris sigilla nostra apposuimus Actum anno Domini MCC quinquagesimo sexto mense octobris