Charter Document - 05270067
| Charter Number: | 05270067 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1256 |
| Date type: | Internal, Calendar, Papal |
| Resource Link(s): |
|
Charter:
Innocentius episcopus seruus seruorum Dei dilectis filiis abbati et conuentui monasterii Sancti Stephani Diuionensis ordinis Sancti Augustini Lingonensis diocesis salutem et apostolicam benedictionem Cum a nobis petitur quod iustum est et honestum tam uigor equitatis quam ordo exigit rationis ut id per sollicitudinem officii nostri ad debitum perducatur effectum Hinc est quod nos uestris iustis postulationibus grato concurrentes assensus ut nullus infra metas parrochiarum uestrarum in uestrum preiudicium nobis inuitis oratorium de nouo construere audeat aut etiam cimiterium benedicat ibidem auctoritate presentium districtius inhibimus decernentes irritum et inane si quid contra inhibitionem nostram a quoquam fuerit attemptatum auctoritate Sedis Apostolice semper salua Nulli ergo omnino hominum liceat hanc paginam nostre inhibitionis infringere uel ei ausu temerario contraire Si quis autem hoc attemptare presumpserit indignationem omnipotentis Dei et beatorum Petri et Pauli apostolorum eius se nouerit incursurum Datum Laterani X kalendas pontificatus nostri anno undecimo