Charter Document - 05270066
| Charter Number: | 05270066 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1255 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Marguaritta de Thar filia Emetine defuncte quondam filie domini Guidonis de Uerneto spontanea non coacta nec in aliquo circonuenta per sacramentum meum pro utilitate et necessitate mea uendidi concessi et quittaui in hereditatem perpetuam domino Guidoni de Thar militi quicquid habeo et habebam et habere possum et debeo nunc et de cetero tam iure partis uel maritagii quam escasure cuiuscumque sit in decimis omnibus quibuscumque territoriorum de Seroiches et de Uernetto et de hiis omnibus ego me penitus deuestiens predictum dominum Guidonem corporaliter inuestiui et de precio dicte uenditionis uidelicet de decem libris monete Parisiensis me teneo et habeo in numerata pecunia penitus pro pagata Promittens sub obligatione bonorum meorum omnium mobilium et immobilium presentium et futurorum et per sacramentum meum pro me et meis heredibus quos ad hoc obligo prestitum corporale uenditionem predictam garantire dicto domino Guidoni et suis heredibus perpetuo contra omnes et me pro ipso et suis heredibus semper et ubique locorum et in omni curia ratione dicte uenditionis propriis sumptibus opponere et respondere et eos inde conseruare modis omnibus indempnes si qui calumpniatores apparerent quod absit et in nullo de cetero per me uel per alium uerbo facto consensu consuetudine reemptionis uel cuiuslibet alterius iuris uel constitutione qualibet aut modo aliquo contraire In cuius rei testimonium presentibus litteris slgilla uirorum uenerabilium domini Mercatoris decani cappelle Ducis et magistri Alberici decani Christianitatis Dyuionensis feci apponi Actum anno Domini MCC quinquagesimo quinto mense iunii