Charter Document - 05270064
| Charter Number: | 05270064 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1253 - 1254 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Bella Foemina quondam uxor Galteri Sarazin defuncti pro utilitate et necessitate mea uendidi concessi et quittaui in hereditatem perpetuam uiris uenerabilibus abbati et conuentui Sancti Stephani Diuionensis pro pretio nonagenta librarum monete Diuionensis de quibus plenam perfectam et integram solutionem recepi et habui in pecunia numerata mansum unum cum cellario subtus sito et omnibus iuribus et appenditiis ipsius mansi prout de longo et de largo et in omni parte se ingerunt qui mansus situs est Diuione in uico Nouo iuxta mansum magistri Alberici decani Christianitatis Diuionensis qui fuit au Chifo ex una parte et iuxta mansum Marotti de uico Nouo ex altera et duas petias uinearum quarum una sita est in finagio ubi dicitur en Abasois iuxta uineam Humberti Olearii ex una parte et iuxta uineam Odonis dicti de Cuqtineio filii defuncti Hugonis de Cutigneio ex altera et alia in finagio ubi dicitur en Beauuoir iuxta uigneiam Ioannis Maioris de Gulle ex una parte et iuxta uiam ex altera et de dicto manso et cellario et iuribus et appendiciis ipsius mansi omnibus et de dictis petiis uinearum ego me penitus deuestiens dictos abbatem et conuentum per manum uenerabilis et religiosi uiri domini Amidei tunc abbatis predicte ecclesie Sancti Stephani corporaliter inuestiui et in uerum dominium et perpetuam et ueram ac corporalem possessionem induxi et teneor ac promitto per sacramentum meum corporaliter prestitum dictum mansum cum cellario et iuribus et appenditiis ipsius mansi et dictas duas petias uinearum garantire dictis abbati et conuentui et eorum successoribus perpetuo contra omnes et me pro eis semper et ubique locorum et in omni curia ratione predictorum omnium et singulorum opponere et respondere et eos inde conseruare modis omnibus indemnes si qui calumniatores apparerent quod absit et in nullo decetero per me uel per alium uerbo uel facto uel consensu uel iure quolibet contraire ad garantiam autem predictarum portandam sicut dictum est superius ad omnia supradicta tenenda et facienda prout expressa sunt superius et diuisa me et meos heredes ubicumque sint et omnia bona mea mobilia et immobilia presentia et futura quecumque et ubicumque sint et erunt eisdem abbati et conuentui et eorum successoribus in perpetuum obligaui In premissorum autem omnium testimonium et munimen presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Dyuionensis supplicaui et feci apponi Actum anno Domini millesimo ducentesimo quinquagesimo quinto mense aprilis