Charter Document - 05270062
| Charter Number: | 05270062 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1255 - 1256 |
| Date type: | Internal, A.D. |
| Resource Link(s): |
|
Charter:
In nomine Domini amen ego Guillelmus de Maireio miles pro utilitate mea uendidi concessi et quittaui in hereditatem perpetuam uiris uenerabilibus et religiosis abbati et conuentui Sancti Stephani Diuionensis per manum domini Amidei tunc abbatis loci eiusdem sextam partem medietatis omnium memorum que dicuntur nemora de Norges quam habeo comunem cum nobilibus de Norges et est communis cum alia medietate quam habent in eisdem nemoribus uiri religiosi abbas et conuentus Sancti Benigni Diuionensis et de dicta sexta parte medietatis predictorum omnium nemorum ego me penitus deuestiens eundem abbatem nomine predicte ecclesie in uerum dominium et ueram possessionem et hereditatem perpetuam induxi cum omnibus iuribus rationibus actionibus iusticiis dominio et omnibus aliis commodis et profectibus nec non et pascuis nichil in eisdem mihi uel meis heredibus penitus retinendo de precio si quidem dicte uenditionis uidelicet de octoginta libris monete Stephaniensis me teneo et habeo in numerata pecunia perfecte et integre propagato propter quod promitto iuramento super hoc prestito corporali omnia illa que in presenti uenditione ueniunt et superius sunt expressa eisdem abbati et conuentui contra omnes deffendere propriis sumptibus et expensis et in omni curia tam seculari quam ecclesiastica legitime garantire si aliquis ratione feodi uel qualibet alia ratione predictam uenditionem uellz infringere aut ratione propinquitatis reemere uel contra ratione qualibet alia uenire promitto insuper iuramento prestito super hoc corporali omnia supradicta prout in presenti uenditione ueniunt specialiter et nominatim et expresse ab omni feodo et omni reemptione cuiuslibet et erga omnes conseruare deffendere et penitus garantire ad omnia supradicta me et meos heredes et omnia bona mea que in presentiarum habeo et que habeo in posterum eisdem abbati et conuentui specialiter et generaliter obligando uolo insuper et illustri uiro et domino meo Hugoni duci Burgundie quod si ego heredes uel successores mei deficeremus in predictis uel in aliquo premissorum ipse et successores sui duces Burgundie et heredes sui nos ad seruandum omnia et singula supradicta sine difficultate qualibet compellant quando et quotienscumque a dictis abbate et conuentu super hoc fuerint requisiti hanc autem uenditionem ego Marguaritta uxor dicti domini Guillelmi et nos Allebaudus Iohannes Iaquinus Hugoninus Ysabellis Alaydis liberi dictorum domini Guillelmi et domine Marguaritte et ego Guido de Maireio miles frater dicti domini Guillelmi uolumus laudamus et concedimus et ratam habemus et firmam promittendo sub religione prestiti iuramenti contra predictam uenditionem per nos uel per alios ratione auerie uel minoris etatis dotis uel donationis propter nuptias seu minoris precii aut qualibet alia ratione de cetero non uenire In cuius rei testimonium et munimen nos Guillelmus Marguaritta Albebaudus Iohannes Iaquinus Hugoninus Ysabellis Alaydis et Guido predicti presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Diuionensis fecimus apponi Actum anno Domini MCC quinquagesimo quinto mense marcio