Charter Document - 05270060
| Charter Number: | 05270060 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1255 - 1256 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Leiardis quondam uxor Andree Uarranio et nos Perronettus Lambertus et Sybilla liberi ipsius Andree in nostra penitus existentes libera potestate per sacramentum nostrum prestitum super hoc corporale pro utilitate et necessitate nostra uendidimus concessimus et quittauimus in hereditatem perpetuam uiro uenerabili magistro Alberico decano Christianitatis Dyuionensis mansum unum situm Dyuione retro monasterium Sancti Michaelis uidelicet retro uoleriam nostram prout idem mansus in longitudine et latitudine a meta posita retro uoleriam nostram se ingerit inter torcular ipsius decani quod fuit magistri Girardi de Asperomonte et mansum Perronetti Aisere usque ad finem ipsius mansi De cuius uenditionis precio nos tenemus et habemus in numerata pecunia penitus pro pagatis et propter hoc de dicto manso prout modo premisso se ingerit nos omnino deuestiuimus et dictum decanum corporaliter inuestiuimus et tenemus et promittimus sub obligatione bonorum nostrorum omnium mobilium et immobilium presentium et futurorum et per sacramentum nostrum pro nobis et nostris heredibus quos obligamus ad hoc prestitum corporale dictum mansum garantire dicto decano et suis heredibus perpetuo contra omnes et nos pro ipso et suis heredibus semper et ubique locorum et in omni curia ratione presentis uenditionis opponere et respondere propriis sumptibus et eos inde conseruare modis omnibus indempnes si qui calumpniatores apparerent quod absit et in nullo de cetero per nos uel per alios uerbo uel facto uel consensu uel iure quolibet contraire saluis ecclesie capelle Ducis Dyuionensis quinque solidis et sex denariis Dyuionensibus super dictum mansum censualibus annuatim In cuius rei testimonium presentibus litteris sigilla uirorum uenerabilium domini Amidei abbatis Sancti Stephani et domini Mercatoris decani capelle Ducis Diuionensis fecimus apponi Actum anno Domini MCC quinquagesimo quinto mense febri