Charter Document - 05270059
| Charter Number: | 05270059 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1255 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Milo de Bera domicellus filius deffuncte Cheuriere uendidi concessi et quittani pro pretio uiginti quinque librarum monete Stephaniensis de quibus recepi et habui plenam et integram solutionem in pecunia numerata et etiam concessi et quittaui in puram et perpetuam elemosinam uidelicet anno Domini millesimo CC quadragesimo nono mense nouembris uiris uenerabilibus et religiosis abbati et conuentui Sancti Stephani Dyuionensis terciam partem quam habebam apud Gemeaus et in finagio eiusdem uille in decima magna loci illius quam terciam partem decime tenebam de meo proprio alodio prout finagium illud quo dicta tercia pars decime sita est protenditur a semitta de Memeru que semitta tendit as Chasaus et a fine des Chasaus usque ad uiam publicam de Chauigneio et a uia illa publica de Chauigneio usque ad finagium de Marcennaio quod ducit usque ad combas et a combis illis usque ad Plancham de Gurs et a Plancha de Gurz usque ad combam da Loure et a comba illa per plenam semitam de Pichanges usque ad uineas de Gemeaus et a uineis predictis usque ad perrerias de Gemellis per secus forestam usque ad crucem que est in Chalma de Gemellis Item uendidi et concessi atque quittaui eisdem abbati et conuentui in hereditatem et elemosinam perpetuam quicquid habebam et habere poteram tempore confectionis presentium litterarum in uilla et finagiis de Gemellis intus et exterius pertinens ad magnam decimam de Gemellis de supradicta uero tereia parte decime et de omni alio iure mihi competente modo quolibet in magna decima de Gemellis intus et exterius a tempore quo uendicionem et elemosinam predictas feci me penitus deuestiui et dictos abbatem et conuentum corporaliter inuestiui et ex tunc promisi et adhuc teneor et promitto sub obligatione bonorum omnium presentium et futurorum ubicumque sint et per sacramentum meum pro me et meis heredibus quos ad hoc obligo prestitum corporale uendicionem et elemosinam predictas libere tanquam allodium garantire dictis abbati et conuentui et eorum successoribus perpetuo contra omnes et in nullo de cetero per me uel per alium contraire has autem uenditionem et elemosinam ego Damerons uxor dicti Milonis ego Luca soror eiusdem Milonis et ego Marcellus miles maritus dicte Luce laudamus et ratas et firmas habemus et promittimus imperpetuum habere per sacramentum nostrum corporaliter prestitum et inuiolabiliter obseruare In quorum testimonium et munimen nos Milo Damerons Luca et Marcellus presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Dyuionensis fecimus apponi ne per obliuionem uenditio et elemosina olim facte ut continentur superius ab aliquo ualeant impediri Actum et sigillitatum est anno Domini millesimo CC quinquagesimo quinto mense decembris