Charter Document - 05270057
| Charter Number: | 05270057 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Religious |
| Charter Type(s): | Purchase |
| Date: | 1255 |
| Date type: | Internal, A.D. |
| Resource Link(s): |
|
Charter:
In nomine Domini amen Ego magister Girardus de Asperomonte canonicus Uuigeii notum facio presentibus et futuris quod ego uenditionem quam mihi fecit Odo filius defuncti Guillelmi de Roura quondam prepositi Dyuionis quicto penitus et dimitto possidendam in perpetuum pacifice ac habendam magistro Alberico decano Christianitatis Diuionensis que scilicet uenditio facta est super uno manso sito Dyuione in uico qui est retro monasterium Sancti Michaelis iuxta mansum Guarneri Fabri ex una parte et iuxta mansum Andree fratis mei ex altera prout predictus mansus ob omni parte se ingerit et cum omnibus iuribus et pertinenciis ipsius mansi confiteor etiam quod idem decanus iam dicto Odoni uenditori de sua propria pecunia satisfecit propter quod uolo et concedo quod idem Odo sibi de garantia siue de euictione teneatur sicuti mihi tenetur instrumentum super dictam uenditionem confectum memorato decano ad maiorem securitatem nichilominus resignando In cuius rei testimonium presentibus litteris sigilla uirorum uenerabilium domini Mercatoris decani et domini Bertrandi prepositi capelle Ducis Dyuionensis feci apponi Actum anno Domini MCC quinquagesimo quinto mense nouembri