Charter Document - 05270054
| Charter Number: | 05270054 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1255 |
| Date type: | Internal, A.D. |
| Resource Link(s): |
|
Charter:
Ego Iohannes de Genleyo miles uniuersis presentibus et futuris notum et certum facio me dedisse concessisse atque quittasse in puram et perpetuam elemosinam Deo et ecclesie Beati Stephani Dyuionensis et canonicis ibidem Deo seruientibus eorumque successoribus tres solidos Dyuionensium quos habebam censualiter annuatim super pratum eorum quod uocatur Pratum Borrelli quod est situm in prateria de Jenleyo item unam liberam et perpetuam ad molendinum eorum quod uocatur Molendinum de la Lesche per pratum meum et per prata mea et quicquid reclamabam et habere seu reclamare poteram uel debebam in esclusis molendini predicti ita quod eas adaptare remouere instituere destituere et ex ipsis uoluntatem eorum omni tempore facere possint et debeant absque contradictione seu reclamatione aliqua a me uel meis heredibus seu ab aliquo alio de cetero facienda item quicquid reclamabam et reclamare poteram uel debebam in manso et hereditate hominis eorum qui uocatur li Garaudat de Genleyo et de hiis omnibus et singulis me penitus deuestiens uirum uenerabilem et religiosum dominum Amideum tunc abbatem predicte ecclesie Sancti Stephani nomine ipsius et successorum suorum et ecclesie ac conuentus Sancti Stephani corporaliter inuestiui quittaui insuper et quitto imperpetuum predictos abbatem et conuentum et successores eorum et ecclesiam Sancti Stephani in capite et in membris et homines eorum de Ianleyo et bona ac heredes ipsorum hominum de omnibus discordiis calumpniis iuribus rationibus exactionibus et rebus aliis que mihi et antecessoribus meis erga dictos abbatem et conuentum et predecessores eorum et erga predictam eorum ecclesiam et membra ipsius ecclesie et erga omnes homines eorum de Genleyo et antecessores eorum competere potuerunt et debuerunt quoquo modo usque ad diem confectionis presentium litterarum et ex hiis omnibus me pro pagato teneo et contento promittoque et teneor sub obligatione bonorum meorum quecumque et ubicumque sint et erunt et per sacramentum meum pro me et meis heredibus quos ad hoc obligo prestituum corporale omnia et singula supradicte prout in predictis dono concessione atque quittatione specialiter et generaliter superius continentur et ueniunt garantire dictis abbati et conuentui et eorum successoribus perpetuo contra omnes et in nullo de cetero per me uel per alium uerbo uel facto consensu consuetudine uel iure quolibet contraire In quorum testimonium et munimen presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Dyuionensis rogaui et feci apponi Actum anno Domini millesimo CCL quinto mense octobris