Charter Document - 05270052
| Charter Number: | 05270052 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1255 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Odo filius quondam defuncti Guillelmi de Roura quondam prepositi Dyuionensis pro utilitate mea uendidi concessi et quittaui in hereditatem perpetuam magistro Girardo de Asperomonte canonico Uergeii mansum unum situm Dyuione in uico qui est retro monasterium Sancti Michaelis iuxta mansum Guarneri Fabri ex una parte et iuxta mansum qui fuit Andree fratris dicti magistri Girardi ex altera prout supradictus mansus ab omni parte se ingerit cum omnibus iuribus et pertinenciis ipsius mansi De cuius uenditionis precio me teneo et habeo in numerata pecunia penitus pro pagato et propter hoc de dicto manso et de omnibus iuribus et pertinenciis ipsius ego me penitus deuestiens predictum magistrum Girardum corporaliter inuestiui et teneor et promitto sub obligatione bonorum meorum omnium mobilium et immobilium presentium et futurorum et per sacramentum meum pro me et meis heredibus quos ad hoc obligo prestitum corporale dictum mansum cum omnibus eius iuribus et pertinenciis garantire dicto magistro Girardo et suis heredibus uel alii mandato ipsius perpetuo contra omnes et in nullo de cetero per me uel per alium uerbo facto consensu consuetudine constitutione uel iure quolibet alio contraire Supradictas autem uenditionem concessionem quittationem solutionem et uestituram ego Dannoz mater dicti Odonis et nos Haymo et Renaudus fratres ipsius Odonis laudamus et ratas et firmas habemus et promittimus in perpetuum habere iuramento prestito corporali et in nullo de cetero per nos uel per alios aliqua ratione uel occasione seu iure quolibet alio contraire In quorum testimonium nos Dannos Odo Haymo et Renaudus predicti presentibus litteris sigilla uirorum uenerabilium domini Amidei abbatis Sancti Stephani et domini Mercatoris decani capelle Ducis Diuionensis fecimus apponi Actum anno Domini MCC quinquagesimo quinto mense octobri