Charter Document - 05270051

In nomine Domini amen Ego Guillelmus Bretaigne filius defuncti Herberti Burtaigne burgensis Diuionis pro utilitate et necessitate mea uendidi concessi et quittaui in hereditatem perpetuam uiris religiosis magistro et fratribus Domus Dei de Tylicastro domum quamdam cum omnibus eius pertinentiis sitam Diuione in uico qui uocatur uicus de la Maladiere iuxta domum Ogerii ex una parte et iuxta mansum Oudini Cornuti ex altera Item uendidi concessi et quittaui in hereditatem perpetuam dictis magistro et fratribus petiam unam uinee sitam retro domum supradictam que petia uinee sita est iuxta mansum dicte Domus de Tilecastro ex una parte et iuxta mansum liberorum Morin ex altera et de largo se ingerit predicta petia uinee a manso liberorum domni Iobelin usque ad Tertalum Item uendidi concessi et quittaui in hereditatem perpetuam dictis magistro et fratribus mansum unum situm in uico qui uocatur uicus Sancti Martini iuxta mansum Dominici Lotibecenat ex una parte et iuxta domum Pariseti dicti Pastoreal de Chesneto ex altera et hec omnia et singula eis uendidi concessi et quittaui in hereditatem perpetuam prout se tenent insimul et de longo et de largo et ab omni alia parte se ingerunt de quibus omnibus et singulis supradictis ego me penitus deuestiens uirum religiosum fratrem Teobaldum tunc magistrum Domus Dei de Tilecastro nomine ipsius et fratrum ipsius Domus et successorum eorum corporaliter inuestiui et in uerum dominium et pocessionem perpetuam induxi pro uoluntate eorumdem modis omnibus et omni tempore facienda et de pretio uenditionis omnium predictorum me teneo et habeo in numerata pecunia plenarie et integre pro pagato exceptioni non numerati et non soluti atque non traditi mihi integraliter pretii renuntians penitus et expresse et teneor ac promitto sub obligatione bonorum meorum mobilium et immobilium presentium et futurorum et per sacramentum meum pro me et meis heredibus presentibus et futuris quos ad hoc obligo prestitum corporale omnia et singula supradicta prout in uenditione presenti sunt contenta et diuisa garantire et deffendere dictis magistro et fratribus et eorum successoribus contra omnes perpetuo et nos pro eisdem et eorum successoribus semper et ubique locorum et in omni curia ecclesiastica et seculari ratione predictorum propriis sumptibus et missionibus meis opponere respondere et onus litis suscipere et eosdem super predictis omnibus et singulis conseruare modis omnibus indemnes si qui calumniatores aparerent quod absit de cetero et in nullo de cetero per me uel per alium uerbo facto consuetudine constitutione et iure quolibet aut modo aliquo alio contraire Insuper ego Osanna mater dicti Guillelmi et ego Iohannes frater eiusdem Guillelmi et ego Bona uxor ipsius Guillelmi solutionem uestituram uenditionem concessionem et quittationem obligationem permissionem et omnes alias conuentiones predictas laudamus uolumus concedimus et ratas et firmas habemus et habere promittimus et tenere et seruare firmiter et inuiolabiliter perpetuo et in nullo de cetero per nos uel per alios ratione uel occasione seu iure dotis seu dotalitii uel auerie uel diuisionis aut partis non facte uel integraliter non habite uel modo quolibet alio contraire et hec omnia de uoluntate nostra et concilio nostro confitemur esse facta per sacramentum nostrum prestitum corporale in quorum testimonium et munimen nos Guillelmus Bona Ozanna et Iohannes predicti presentibus litteris sigilla uirorum uenerabilium domini Mercatoris decani capelle Ducis et magistri Alberi decani Christianitatis Diuionensis suplicauimus et fecimus apponi Actum anno Domini millesimo ducentesimo quinquagesimo quarto mense februario