Charter Document - 05270048
| Charter Number: | 05270048 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Will |
| Date: | 1254 - 1255 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Adelina filia defuncti Parvi de Bisuntio bene compos mentis mee pro certo sciens quod nichil est morte curcius nichil incercius hora mortis ob hoc ego diem extreme messionis operibus misericordie peruenire et anime me saluti prouidere desiderans proinde dedi concessi et obtuli et do concedo et offero in puram et perpetuam elemosinam pro remedio et salute anime mee et animarum omnium ancessorum meorum consilio et uoluntate Iohannis Pouget mariti mei in hoc humiliter et deuote consentientis Deo et ecclesie Beati Stephani Dyuionensis et uiris religiosis abbati et conuentui ibidem Domino seruientibus domum quamdam mouentem de meo capite cum manso et torculari et omnibus aliis pertinenciis et appendiciis omnium predictorum prout ante et retro et ab omni alia parte se ingerunt que predicta sita sunt Dyuioni retro monasterium Beate Marie Dyuionensis iuxta domum Stephani Boudier que fuit Bomualloti Goolin ex una parte et iuxta domum Hospitalis Beate Marie ex altera De domo uero superius nominata et de mansio torculari et omnibus aliis pertinenciis et appendiciis omnium predictorum prout undique se ingerunt ego me penitus deuestiens uirum uenerabilem et religiosum dominum Amideum tunc abbatem ecclesie predicte Sancti Stephani nomine suo et conuentus et ecclesie Sancti Stephani et successorum eorumdem corporaliter inuestiui et in uerum dominium et possessionem perpetuam induxi pro uoluntate eorumdem abbatis et conuentus et successorum suorum modis omnibus et omni tempore libere et pacifice et sine contradictione seu reclamatione cuiuslibet facienda Hanc autem elemosinam prout diuisa est et expressa superius ego Iohannes Pougot maritus Adeline predicte laudo uolo et concedo et eam tenere et servare in perpetuum promitto et eam de uoluntate mea et consilio meo confiteor esse factam Et ut elemosina predicta quam tenere et servare nos Adelina et Iohannes predicti perpetuo fideliter promittimus rata sit stabilisomni tempore presentibus litteris sigilla uirorum uenerabilium domini Mercatoris decani eapelle Ducis et magistri Alberici decani christianitatis Diuionensis supplicauimus et fecimus apponi Actum anno Domini MCCLIIII mense iannuario