Charter Document - 05270047
| Charter Number: | 05270047 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1254 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Andreas tonnelarius et ego Oudactioz uxor eius filia defuncti Dominici Chamoiaus diem extreme messionis operibus misericordie preuenire et animabus nostris salubriter prouidere volentes pro animarum nostrarum et animarum omnium antecessorum et successorum nostrorum remedio et salute damus et concedimus in puram et perpetuam elemosinam Deo et Beate Marie Domus de Tilicastro et fratribus ibidem Deo seruientibus quidquid de iure debebimus et poterimus in extremis uoluntatibus nostris dare legare pro animabus nostris in bonis omnibus paternis et maternis acquisitis et acquiren dis mobilibus et immobilibus quibuscumque et ad hanc elemosinam tenendam nostros heredes presentes et futuros principaliter et specialiter obligamus In cuius rei testimonium presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Dyuionensis fecimus apponi Actum anno Domini millesimo ducentesimo quinquagesimo quarto