Charter Document - 05270045
| Charter Number: | 05270045 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1254 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Girardus dictus Fermaus et ego Durandus dictus de Barra de Cuntigneio confitemur et recognoscimus nos pro utilitate et necessitate nostra uendidisse et concessisse in hereditatem perpetuam Huotto de Cuntigneio domicello medietatem cuiusdam pecie prati circiter duas falcatas continentis que uocatur pratum de Fauerne et que sita est in territorio Cuntigneii iuxta nemus communitatis ipsius uille et quandam aliam peciam prati sitam in territorio dicte uille iuxta campum Herbelotti de Pasquerio et undecim pecias terre arabilis quarum una sita est in territorio Cuntigneii iuxta terram fratrum Hospitalis Hierosolimitani hinc inde alia supra fontem de la Maladiere iuxta terram Perrenini filii dame Amie alia ad crucem Sancti Martini iuxta terram Eliotti filii Alberici lou Bau alia ad campum Sancti Martini iuxta terram Dionisetti de Cuntigneio et alia ibidem iuxta terram eiusdem Dionisetti alia que est contorz sita est en Iselastre iuxta pratum liberorum Petri Chape alia ibidem iuxta terram Dominici Chape alia en Longe Roie in capite campi Petri Gaillart iuxta prata de Bois Uessainge alia in territorio de Cheuegneio ubi dicitur en Griselois iuxta terram Petri de Talant alia ibidem iuxta terram Perrelli filii Alberici Coiche alia ibidem iuxta terram Perrelli clerici De precio autem istius totius uenditionis nos tenemus et habemus in numerata pecunia penitus pro pagatis et propter hoc de medietate dicte pecie prati circiter duas falcatas continentis et de alia pecia prati et de dictis undecim peciis terre nos omnino deuestiuimus et dictum Huottum corporaliter inuestiuimus et tenemur ac promittimus sub obligatione bonorum nostrorum omnium et iuramento pro nobis et nostris heredibus quos obligamus ad hoc prestito corporali supradicta omnia et singula garantire dicto Huotto et suis heredibus perpetuo contra omnes et in nullo de cetero per alios contraire Hanc autem uenditionem ego Gila uxor dicti Girardi et ego Iohannes eorum filius ego Gelia uxor dicti Durandi et nos Belinus et Perronettus eorum filii laudamus et ratam et firmam habemus et promittimus imperpetuum habere iuramento prestito corporali et in nullo de cetero per nos uel per alios ratione dotis uel dotalicii uel auerie uel minoris etatis seu modo quolibet alio contraire In quorum omnium testimonium et munimen nos Girardus Durandus Gila Iohannes Gelia Belinus et Perronettus predicti presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Dyuionensis fecimus apponi Actum anno Domini MCC quinquagesimo quarto mense septembri