Charter Document - 05270041
| Charter Number: | 05270041 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1254 |
| Date type: | Internal, A.D. |
| Resource Link(s): |
|
Charter:
Nos Guido miseratione diuina episcopus Lingonensis notum facimus uniuersis presentes litteras inspecturis quod nos permittationem quam illustris uir Hugo Dux Burgundie et uiri religiosi Amideus abbas et conuentus ecclesie Sancti Stephani Diuionensis fecerunt ad inuicem uidelicet de decimis uillarum de Fontanis de Poillaco de Sancto Martino et finagiis et territoriis earumdem et de uilla que dicitur uilla subtus Geureium cum omnibus iuribus et pertinenciis eiusdem uille que omnia erant predicti Ducis pro domo de Capella que sita est iuxta Forestam de Uilers Ducis predicti et decimis et iuribus omnibus eiusdem domus que omnia erant dictorum abbatis et conuentus ecclesie Sancti Stephani supradicte utpote de consensu consilio et uoluntate nostra factam ratam et gratam habemus et considerata utilitate ecclesie predicte Sancti Stephani predictam permittationem auctoritate dyocesiana confirmamus In cuius rei testimonium presentes litteras sigilli nostri munimine fecimus roborari Actum anno Domini MCC quinquagesimo quarto mense iunio