Charter Document - 05270039
| Charter Number: | 05270039 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1253 - 1254 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Odinus filius Amaurici de Icyo confiteor et recognosco me pro utilitate et necessitate mea uendidisse et concessisse atque quittasse in hereditatem perpetuam magistro et fratribus Domus Dei de Tilicastro uoleriam unam cum manso ad eam pertinente prout usque ad mansum ipsorum magistri et fratrum se ingerit que uoleria sita est Diuione in uico qui uocatur vicus dicte Domus Dei iuxta ipsorum magistri et fratrum ex una parte et iuxta domum relicte et heredum Auberici dicti Cornuti fratris mei defuncti extera de cuius uenditionis pretio me teneo et habeo in numerata pecunia penitus pro pagato et propter hoc de dicta uoleria et de manso ad eam pertinente me penitus deuestiens dictos magistrum et fratres corporaliter inuestiui et teneor et promitto sub obligatione bonorum meorum omnium et iuramento pro me et meis heredibus quos ad hoc specialiter obligo prestito corporali dictam uoleriam cum manso ad eam pertinente garantire dictis magistro et fratribus et eorum successoribus perpetuo contra omnes et in nullo de cetero per me uel per alium contraire Hanc autem uenditionem ego Bartolomeus frater dicti Odini et ego Maria uxor eiusdem Odini laudamus et ratam et firmam habemus et promittimus in perpetuum habere iuramento prestito corporali et in nullo de cetero per nos uel per alios ratione petitionis uel diuisionis non facte sine non habite aut dotis aut dotalicii uel modo alio contraire In premissorum autem omnium testimonium et munimen nos Odinus Bartholomeus et Maria predicti presentibus litteris sigilla uirorum uenerabilium domini Mercatoris decani capelle ducis et magistri Alberici decani Christianitatis Diuionensis fecimus apponi Actum anno Domini millesimo ducentesimo quinquagesimo tertio mense ianuario