Charter Document - 05270038
| Charter Number: | 05270038 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1253 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Arnulphus dictus li Cornex de Gemellis timens incurrisse peccatum leuando uel portando tractum decime de Gemellis in qua decima aliqua de capitalibus ecclesie Sancti Stephani Dyuionensis percepisse credo Super hoc ad emendationem et satisfactionem ego uenire cupiens tocius medietatis quam habeo in tractu dicte decime tam grosse quam minute prout mete subscripte siue fines subscripti se ingerunt medietatem uiris uenerabilibus et religiosis abbati et conuentui predicte ecclesie Sancti Stephani Dyuionensis nomine restitutionis dictorum capitalium et elemosine perpetue dedi concessi et quittaui imperpetuum et aliam medietatem medietatis tocius tractus predicte decime tam grosse quam minute eis uendidi et concessi in hereditatem perpetuam pro precio uigenti duarum librarum monete Uiennensis de quibus plenam et perfectam ac integram solutionem ab ipsis in numerata pecunia recepi mete uero siue fines ita se ingerunt uidelicet ab exitu uille de Gemellis a parte fontis de Mereu sicut itur per limitem qui dirigit en Combes et sicut per Cumbas aqua currit ad fontem de Gurs et inde sicut itur per desubtus Charmam de Pichanges usque ad uineas de Gemellis et sicut limes dirigit a uilla de Pichanges uersus Tilecastrum Preterea quicquid aliud habeo et possum habere uel debeo in tractu dicte decime extra metas predictas eisdem abbati et conuentui tam ratione restitutionis et elemosine quam uenditionis predicte concessi in perpetuum et quittaui Ita quod de medietate tocius tractus decime predicte et omnium iurium ad ipsum tractum pertinencium infra metas et extra ego me penitus deuestiens dictos abbatem et conuentum tam nomine restitutionis et elemosine quam uenditionis corporaliter inuestiui pro uoluntate eorum libere perpetuo facienda teneorque et promitto sub obligatione bonorum meorum omnium iuramento que meo pro me et meis heredibus quos ad hoc obligo prestito corporali dictam medietatem tocius tractus predicte decime garantire dictis abbati et conuentui et eorum successoribus perpetuo contra omnes et in nullo de cetero per me uel per alium contraire hec autem omnia ego Iaquina uxor dicti Arnulphi et ego Iohannes clericus frater eiusdem Arnulphi laudamus et rata et firma habemus et promittimus in perpetuum habere iuramento prestito et in nullo de cetero ratione dotis uel dotalicii uel particionis aut diuisionis non facte uel non habite uel modo alio contraire In quorum testimonium nos Arnulphus Iaquina et Iohannes presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Dyuionensis fecimus apponi Actum anno Domini MCCL tercio mense nouembris