Charter Document - 05270036

In nomine Domini amen Nos Uuaucherus Iulietus et Uienetus Darc fratres confitemur et recognoscimus nos retinuisse in perpetuum a uiris uenerabilibus et religiosis domino Amideo abbate et conuentu ecclesie Santi Stephani Dyuonensis quendam campum qui fuit de Tulleio situm in finagio Sancti Apollinaris di Suerre iuxta uineam Odeti ex una parte et iuxta terram Odeti Pasquaut ex altera quem campum predictum plantauimus in uineam sub condictionibus inferius annotatis Tenemur si quidem nos et heredes nostri aut quicumque alii dictam uineam tenentes pro tempore per sacramentum a nobis prestitum super hoc corporale dictam uineam in bono statu tenere perpetuo et annuatim competenter colere et dictis abbati et conuentui et eorum successoribus uel mandato eorumdem reddere singulis annis in perpetuum de cetero in uindemiis in capite uinee predicte tria modia uini puri in racemis mustalibus et annuatim antequam eam uindemiemus significare eisdem abbati et conuentui uel eorum mandato in ecclesia Sancti Stephani Dyuionensis quando uindemiare uoluerimus eandem ita quod in capite uinee predicte mandatum eorum annuatim capiet tria modia uini predicti de uinea supradicta et si quod absit dicta uinea adeo aliquo infortunio deterioraretur quod de ipsa uinea dicta tria modia uini predicti eis persolui uel suppleri non possent de uindemia eiusdem seu uinum predictum de uino equiualenti ad respectum et estimationem dicti finagii non redderemus uel non suppleremus in ipsis uindemiis dicta tria modia uini predicti infra xl dies sequentes teneremur eis uel mandato eorum reddere uel defectum supplere et si aliquis ex nobis in solutione dicti uini predicte uinee in toto uel in parte cessauerit per xl dies quod absit uolumus et concedimus quod extunc si in solutione dicti uini cessauerit dicti abbas et conuentus intrent possessionem et dominium dicte uinee et illum uel illos qui defecerit uel defecerint in solutione predicta in bonis suis quecumque et ubicumque fuerint gagient et gagiare possint et debeant auctoritate propria et sine reclamatione alicuius curie et absque meffacere quousque defectum uini in uino equiualenti eis uel mandato eorum suppleuerit uel suppleuerint integre et missiones si quas in gagiando uel modo alio recuperando defectum predicti uini fecerint eis integre restituerit uel restituerint et si in hiis omnibus adimplendis per annum et diem quod absit aliquis ex nobis cessauerit uolumus et concedimus sponte et prouide ut extunc uinea predicta si in premissis defecerit in bono statu et in illo quo tunc erit ad dictos abbatem et conuentum et eorum ecclesiam quitte libere et sine contradictione qualibet pacifice in hereditatem perpetuam pro uoluntate eorum et successorum suorum modis omnibus et omni tempore facienda deueniat nec extunc nos uel heredes nostri aut aliquis alius in dicta uinea quicquam poterit reclamare Hec autem omnia supradicta iurauimus tenere et adimplere et obseruare perpetuo et in nullo de cetero per nos uel per alios contraire Sciendum autem quod propter hoc immunes non erimus a decima dicte uinee monachis Sancti Benigni singulis annis persoluenda In premissorum igitur omnium testimonium et munimen presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Dyuionensis fecimus apponi Actum anno Domini MCC quinquagesimo tercio mense octobris