Charter Document - 05270035
| Charter Number: | 05270035 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1253 |
| Date type: | Internal, A.D. |
| Resource Link(s): |
|
Charter:
Uiris uenerabilibus et religiosis fratribus et amicis in Christo karissimis abbati et conuentui Sancti Stephani Diuionensis Iohannes prior humilis Sancti Symphoriani Eduensis et eiusdem loci conuentus salutem et fraternam in Domino caritatem cum orationibus in Domine Ihesu Christo Gaudemus in Domino fratres karissimi super eo quod societem antiquam inter ecclesiam nostram et uestram hactenus habitam uobis placuit litteris renouare Nos uero attendentes quod predicta societas ad salutem faciat animarum eamdem societatem presentibus litteris renouantes uobis concedimus quod canonicos uestros pro culpis suis ad nos cum uobis placuerit transmittatis Hos uero ipsos caritatiue tractabimus sibi tanquam uni ex nobis necessaria ministrando donec ipsos duxeritis reuocandos Et quia pium est orare pro mortuis semel in anno uidelicet in crastino Beate Aguathes uirginis pro fratribus uestris deffunctis officium deffunctorum in ecclesia nostra faciemus sollempniter celebrari et cum nobis significatum fuerit a uobis officium quod pro nostro canonico deffuncto facere consueuimus hoc idem pro uestro pie et misericorditer faciemus Ut autem ista societas inter nos et uos perpetuis temporibus obseruetur presentes litteras uobis tradidimus sigilli nostri munimine roboratas cum non nisi unicum sigillum habeamus Actum anno Domini MCC quinquagesimo tertio mense Augusti