Charter Document - 05270034
| Charter Number: | 05270034 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1253 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Andreas Chapuisoz et ego Margaritta uxor eius confitemur et recognoscimus nos fecisse cum Cecilia quondam uxore Symonis Uannereau et cum Iohanne filio eius permutationem et escambium prout hic inferius continetur uidelicet quod pro decem libris et decem solidis Dyuionensibus et pro quadam domo et manso ipsius sita extra muros Porte Nanxionis iuxta domum Iohannis de Marchisolio ex una parte et iuxta domum Hospitalis de Broichons ex altera quam pecuniam et quam domum cum manso ipsius nobis et nostris heredibus tradiderunt et quittauerunt perpetuo et contra omnes garantire tenentur nos pro nobis et nostris heredibus tradidimus et quittauimus eis imperpetuum domum quamdam cum manso ipsius sitam extra muros dicte Porte iuxta domum Stephani Larnaudat ex una parte et iuxta domum Perronetti Tarpot ex altera et de ipsa domo et de manso ipsius nos omnino deuestiuimus et dictam Ceciliam et Iohannem filium eius corporaliter inuestiuimus et tenemur et promittimus sub obligatione bonorum nostrorum omnium et iuramento prestito dictam domum cum manso ipsius garantire eis et eorum heredibus perpetuo contra omnes et in nullo de cetero per nos uel per alios contraire In cuius rei testimonium presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Dyuionensis fecimus apponi Actum anno Domini MCCL tertio mense iunio