Charter Document - 05270033
| Charter Number: | 05270033 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1253 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Odo dictus Preudefame de Chesueto confiteor et recognosco me pro utilitate et necessitate mea uendidisse et concessisse in hereditatem perpetuam magistro et fratribus Domus Dei de Tilicastro mansum unum situm Diuione in uico Sancti Martini iuxta mansum Guillardi de Fontanis ex una parte et iuxta mansum meum ex altera de cuius uenditione me teneo et habeo in numerata pecunia pro pagato et propter hoc de dicto manso ego me penitus deuestiens predictos magistrum et fratres corporaliter inuestini et teneor et promitto sub obligatione bonorum omnium meorum et iuramento pro me et meis heredibus quos ad hoc obligo prestito corporali garantire dictis magistro et fratribus et eorum successoribus dictum mansum contra omnes perpetuo et in nullo de cetero per me uel per alium contraire Hanc autem uenditionem nos Dominicus Alaysos et Oudacinus liberi dicti Odonis et ego Gentil nepos ipsius Odonis laudamus et ratam ac firmam habemus et promittimus in perpetuum habere iuramento corporali prestito et in nullo de cetero per nos uel per alios ratione uel occasione auerie uel minoris etatis uel modo alio contraire In cuius rei testimonium nos Odo Dominicus Alaisoz et Oudacinus et Gentilis predicti presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Dyuionensis fecimus apponi Actum anno Domini ducentesimo quinquagesimo tercio mense iunii