Charter Document - 05270032
| Charter Number: | 05270032 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1253 - 1254 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Iohannes Guerre burgensis Dyuionensis bene compos mentis mee diem extreme messionis operibus misericordie prevenire cupiens et anime mee et ancessorum meorum dedi concessi et obtuli et do concedo et offero donatione facta inter uiuos in puram et perpetuam elemosinam et restitutionem bonorum que ab ecclesia Beati Stephani Dyuionensis multociens habemus Deo et ecclesie Beati Stephani Dyuionensis predicte et uiris uenerabilibus et religiosis abbati et conuentui ibidem Deo seruientibus medietatem domus lapidee que uocatur domus domini Iohannis Naichier site Dyuioni retro monasterium Beate Marie et medietatem cellarii et mansi et omnium appendiciorum ad ipsam domum pertinencium scilicet medietatem illam que est a parte Uerrarie quam medietatem ad partem meam deuenisse confiteor de qua medietate ipsius domus et cellarii mansi et omnium appendiciorum ad ipsiam pertinancium ego me penitus deuestiens uirum uenerabilem et religiosum dominum Amideum tunc abbatem predicte ecclesie Sancti Stephani nomine ipsius abbatis et conuentus ipsius ecclesie et successorum suorum corporaliter inuestiui et posui in uerum dominum et possessionem perpetuam pro uoluntate eorum modis ombibus et omni tempore facienda et ad garanciam super medietate predicta ipsis abbati et conuentui et eorum successoribus perpetuo portandam Eis heredes meos omnes presentes et futuros specialiter [ob]obligaui Restituciomem aut elemosinam concessionem et quittacionem predictas et omnia alia prout superius sunt expressa ego Iohanna uxor dicti Iohannis spontanea non coacta nec in aliquo circumuenta laudo et rotas et firmas ac rata et firma habeo et promitto in perpetuum habere et in nullo de cetero per me uel per alium ratione uel occasione seu iure dotis aut dotalicii uel modo quolibet alio contraire Et si quid iuris habebam uel habere poteram et debebam in medietate predicta totum ius illud qualecumque quito penitus et in perpetuum dicte ecclesie et abbati et conuentui supradictis In premissorum igitur omnium testimonium et munimen presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Dyuionensis fecimus apponi Actum anno Domini MCC quinquagesimo tercio mense aprilis