Charter Document - 05270031
| Charter Number: | 05270031 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1252 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Helena Textrix de Castro confiteor et recognosco me pro utilitate mea fecisse cum Uincentio clerico Uuillelmo fratribus filiis defuncti Stephani Bourgoingne permuttationem et escambium prout hic inferius continetur uidelicet quod pro quadam pecia uinee sita in territorio de Marcennai ubi dicitur as chesaus iuxta uineam Iohannis Marquelini ex una parte et iuxta uineam Uuienetti de Baisseio ex altera quam peciam uinee mihi et meis heredibus tradiderunt et quittauerunt perpetuo et contra omnes garantire tenentur ego eis tradidi et concessi in hereditatem perpetuam decem libras Dyuionensium et domum quandam cum manso ipsius sitam in castro Dyuionensi iuxta domum Perronetti de Nuiz ex una parte et iuxta mansum Marie relicte Johannis Chauchart ex altera et de dictis decem libris et de dicta domo et manso ipsius ego me penitus deuestiens predictos fratres corporaliter inuestiui teneorque et promitto sub obligatione bonorum meorum omnium et iuramento prestito pro me et meis heredibus quos ad hoc obligo garantire dictam domum cum manso ipsius perpetuo contra omnes et in nullo de cetero per me uel per alium contraire Hoc autem escambio ego Hugonettus filius predicte Helene laudo et ratum et firmum habeo et promitto inperpetuum habere iuramento prestito et in nullo de cetero per me uel alium ratione auerie uel minoris etatis uel minoris ualoris uel modo alio contraire In premissorum igitur omnium testimonium et munimen nos Helena et Hugonettus presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Dyuionensis fecimus apponi Actum anno Domini MCCL quinquagesimo secundo mense novembri