Charter Document - 05270028
| Charter Number: | 05270028 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1252 |
| Date type: | Internal, A.D. |
| Resource Link(s): |
|
Charter:
Nos Mercator decanus capelle Ducis et magister Albericus decanus Christianitatis Diuionensis uniuersis presentes litteras inspecturis in Domino salutem Nouerit uniuersitas uestra quod in nostra presentia constitutus Martinus presbiter curatus ecclesie de uilla de Francois recognouit uiros religiosos abbatem et conuentum ecclesie Sancti Stephani Diuionensis talem partem habere in ecclesia de uilla de Francois in qua ecclesia predicti abbas et conuentus ius habent patronatus uidelicet medietatem omnium prouentuum dicte ecclesie in oblationibus nummorum panis bladi et in omnibus que ad altare dicte ecclesie proueniunt et ad manus presbiteri deseruientis in eadem medietatem absolutionum legatorum trecennalium benedictionum nubentium caritatum et corueiarum carrugarum eiusdem uille et tertiam partem grosse et minute decime eiusdem uille et quatuor denarios Stephanensium quos eisdem debet quislibet mansus de uilla predicta quam partem ecclesie predicte superius nominatam predictus presbiter admodiauit a predictis abbate et conuentu pro octo libris Stephanensium eisdem singulis annis duobus terminis persoluendis uidelicet medietatem ad festum Beati Remigii et aliam medietatem in die Resurrectionis Domini et si deficeret in solutione alicuius termini supradicti pro defectu solutionis cuiuslibet termini tenetur eisdem persoluere uiginti solidos dicte monete de emenda Tenetur si quidem dictus presbiter predictis abbati et conuentui uel eorum mandoto quolibet anno ponere fideiussorem seu fideiussores ydoneos de supradictis fideliter adimplendis promisit etiam dictus presbiter supradicta fideliter adimplere iuramento super hoc prestito corporali et ad hoc bona sua omnia mobilia et immobilia specialiter obligauit abbati et conuentui supradictis In cuius rei testimonium ad preces predicti Martini presbiteri presentibus litteris sigilla nostra apposuimus Actum anno Domini MCC quinquagesimo secundo mense maii