Charter Document - 05270027
| Charter Number: | 05270027 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1252 - 1253 |
| Date type: | Internal, A.D. |
| Resource Link(s): |
|
Charter:
Uniuersis presentes litteras inspecturis magister Th officialis curie Lingonensis salutem in Domino Noueritis quod in nostra presentia constitutus Bisinotus de Lingonis recognouit se dedisse donatione inter uiuos laude et assensu Osanete uxoris sue et Petri filii sui Christiane et Guillemete filiarum dicti B in puram et perpetuam elemosinam magistro et fratribus Domus Dei de Tilicastro quidquid habebat uel habere poterat et debebat in molendino de la Coiche et in quodam iornali terre arabilis contiguo campis dictorum fratrum ad finem de Brey et campo qui fuit Henrici dicti Migeton et unam petiam terre sitam in loco qui dicitur pratum Saugear abrenuntians omni iuri quod sibi competit in omnibus supradictis et de hoc deuestiens se magistrum et dictos fratres corporaliter inuestiuit ab omnibus fide prestita corporali quod contra huiusmodi donationem et elemosinam de cetero non uenient nec uenire facient per se nec per alios imo contra omnes legitimam portabunt garentiam In cuius rei testimonium ad requisitionem supradictorum hominum presentibus litteris aposuimus sigillum nostrum Datum anno Domini millesimo ducentesimo quinquagesimo secundo mense aprilis