Charter Document - 05270025
| Charter Number: | 05270025 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1251 - 1252 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Maria uxor Iohannis filii defuncti Barbe custellarii et ego Iohannes predictus maritus eiusdem Marie confitemur et recognoscimus nos pro utilitate et necessitate nostra uendidisse et concessisse in hereditatem perpetuam uiris religiosis magistro et fratribus Domus Dei de Broichons medietatem cuiusdam domus et mansi ad eam pertinentis in qua domo et manso ipsi habent medietatem aliam que domus sita est Diuioni in uico supra Susionem retro Forgias iuxta domum Ogeri de Besua ex una parte et iuxta domum domini Hugonis Boichart canonici Uirgeii ex altera de precio cuius uenditionis uidelicet de quidecim libris Diuionensium nos tenemus et habemus in numerata pecunia penitus propagatis et propter hoc de dicta medietate domus et mansi ipsius nos omnino deuestiuimus et dictos magistrum et fratres corporaliter inuestiuimus et tenemur ac promittimus sub obligatione bonorum nostrorum omnium et iuramento prestito corporali dictam medietatem domus et mansi ipsius garantire dictis magistro et fratribus et eorum successoribus perpetuo contra omnes et in nullo de cetero per nos uel per alios contraire specialiter ego Maria predicta renuncio iuramento interposito omni beneficio et iuri dotis aut dotalicii aut rationis alterius cuiuslibet mihi competentibus uel competituris in predicta uenditione spontanea non coacta In premissorum igitur omnium testimonium et munimen nos Maria et Iohannes predicti presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Diuionensis fecimus apponi Actum anno Domini MCC quinquagesimo primo mense ianuario