Charter Document - 05270024

In nomine Domini amen Ego Guillelmus de Rupe dominus de Vilegour miles notum facio omnibus presentes litteras inspecturis quod ego emi ad uitam meam solummodo a uiris uenerabilibus et religiosis Amideo abbate et conuentu Sancti Stephani Diuionensis quadringentas libratas terre ad monetam Diuionensem pro precio mille et ducentarum librarum monete Turonensis quas in utilitatem eorum ecclesie conuerterunt de quibus eis integre satisfeci in pecunia numerata Ita quod pro trecentis libratis terre ad monetam Diuionensem tradiderunt deliberauerunt et concesserunt mihi ad uitam meam tantum modo uillam eorum de Asneriis cum domibus eorum omnibus infra pargum sitis et cum omnibus terris eorum nemoribus banno talliis forefactis iusticiis emendis reditibus exitibus et commodis quibuscumque dicte uille retinentes sibi dicti abbas et conuentus in uilla predicta unum hominem scilicet domnum Gaufridum de Asneriis cum liberis et familia eiusdem Gaufridi apud Asnerias cum eo manentibus et tenementum eorum et iusticiam in ipso Gaufrido et liberis et familia ipsius predictis maiorem et minorem ita quod super Gaufridus uel liberi aut familia ipsius cum eo manentes ut dictum est superius bannum consuetum quod ponam in dicta uilla infregerint uel forefactum aliquod fecerint ego uel mandatum meum uadia infringentis bannum uel forefactum facientis capere poterimus et ea abbati Sancti Stephani qui pro tempore fuerit uel eius mandatos trademus et deliberabimus sine contradictione qualibet et et inde dictus abbas uel eius mandatum pro uoluntate sua leuabit amendam et erit abbatis emenda prepredicta aliorum uero uille predicte mee erunt emende leuande per iudicium secundum consuetudinem uille retinuerunt insuper sibi dicti abbas et conuentus pro priore eorum uille predicte iura parrochialia hactenus consueta et si aliquis ex hominibus dicte uille terram uel aliquam aliam hereditatem suam sitam in uilla uel in finagiis de Asneriis ecclesie eiusdem uille uel dictis abbati et conuentui in elemosinam contulerit mihi remanebit tenenda quam diu uixero et post decessum meum illi cui collata fuerit in elemosinam deueniet de mobilibus uero suis homines dicte uille legare poterunt que cum legata fuerint illi cui legentur deuenient tallia uero uille predicte per quatuor bonos uiros eiusdem uille fiet semel in anno pro me in presentia mandati mei que summam sexaginta librarum Diuionensium non excedet et hec omnia pro trecentis libratis terre ad monetam Dyuionensem gratanter accepi exactiones nullas alias faciam in dicta uilla uel in hominibus eiusdem uille sed ipsos benigne tractabo saluis mihi forefactis et emendis modo premisso leuandis et sciendum est quod per conuentiones superius diuisas predicta tenentur mihi qua diu uixero bona fide et in uerbo ueritatis contra omnes legitime garantire ita quod hec omnia et maxime domos eorum predictas cum pargo in bono statu tenebo et conseruabo et iura eorum manutenebo bona fide in omnibus supradictis nec nemus eorum siue clausuram ipsius amputabo nec faciam aut permittam uel consentiam amputari alia uero nemora eorum bona fide conseruabo nec ea uendam saluo mihi in ipsis foagio meo et usuagio pro domibus eorum quas teneo in uilla predicta Item sciendum quod homines Aqueductus habebunt libere pro dampno reddendo pasturagia in finagiis de Asneriis et homines de Asneriis similiter in finagiis Aqueductus Preterea sciendum quod ipsi debent et reddere tenentur annuatim in festo Omnium Sanctorum uel in crastino apud Diuionem mihi uel certo mandato meo quamdiu uixero centum libras Diuionensium et si quod absit dictis loco et termino mihi uel certo man dato meo dictas centum libras non soluerint uoluerunt ut ego uel mandatum meum pro dictis centum libris eos uadiare possim ubicumque mihi placuerit et quod reuerendus pater episcopus Lingonensis qui pro tempore fuerit per excommunicationis et interdicti sententias eos compellat ad requisitionem meam uel mandati mei a dicto termino in antea ad solutionem pecunie supradicte post decessum uero meum statim hec omnia et singula supradicta in bono statu et in illo quo tunc erunt cum omnibus meliorationibus agmentationibus et edificiis eorundem et cum fructibus instantibus et collectis et aliter inuentis ibidem et cum omnibus iuribus et commodis predictorum et bonis omnibus mobilibus quibuscumque inuentis ibidem exceptis equitaturis et denariis meis si qui tunc ibi fuerint et exceptis debitis si que de meis propriis denariis tunc mihi debeantur in uilla predicta ad dictos abbatem et conuentum et eorum ecclesiam quitte libere et sine contradictione qualibet et absque debitorum et alicuius alterius obligationis onere pacifice revertentur et extunc a solutione dictarum centum librarum ipsi et successores eorum quitti erunt et penitus absoluti nec extunc quisquam in predictis omnibus aliquid poterit reclamare sed extunc ipsi abbas et conuentus auctoritate eorum propria et sine contradictione meorum uel alicuius alterius intrabunt possessionem et dominium omnium premissorum non obstante aliqua possessione uel uestitura que ab aliquo possit obici in predictis Preterea si heredes mei aut aliud mandatum meum a die obitus mei in antea quicumque in predictis ceperint uolo ut eis et eorum sucessoribus restituatur integre et ad hoc me et bona mea omnia et heredes meos et bona omnia heredum meorum quecumque et ubicumque fuerint ecclesie predicte Sancti Stephani et abbati et conuentui eiusdem specialiter obligaui hec autem omnia et singula prout sunt expressa superius et divisa a me et a dictis abbate et conuentu sunt gratanter accepta In premissorum igitur omnium auctoritatem testimonium et munimen presentibus litteris sigillum meum apposui et ad maiorem huius rei certitudinem et cautelam litteris eisdem sigilla uirorum uenerabilium domini Mercatoris decani eapelle Ducis et magistri Alberici decani christianitatis Diuionensis et domini Marcelli de Mailliaco militis supplicaui et feci apponi Actum anno Domini MCC quinquagesimo primo mense nouembris