Charter Document - 05270023
| Charter Number: | 05270023 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1251 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Odo dictus Mafoille clericus confiteor et recognosco me pro utilitate mea uendidisse et concessisse in hereditatem perpetuam uiris uenerabilibus et religiosis [] abbati et conuentui Sancti Stephani Dyuionensis cameram unam cum manso ad eam pertinente sicuti de largo dicte camere et de longo usque ad uiam publicam que ducit a latere domus domini Lamberti de Roura militis defuncti se ingerit que camera sita est Dyuioni in Castro retro domos eorumdem abbatis et conuentus quas dominus Guido de Gemellis presbiter tenet ad uitam suam et inter duas cameras et mansum domus domus eorumdem abbatis et conuentus quam magister Theobaldus canonicus capelle Ducis tenet ad uitam suam Item uendidi concessi et quittaui eisdem abbati et conuentui in hereditatem perpetuam quicquid iuris habebam et habere poteram et debebam in toto manso sito ibidem prout de longo se ingerit a domo Huonis Coart usque ad uiam publicam que ducit ab ecclesia Sancti Stephani predicta uersus Portam Leonis et de largo a dictis cameris usque ad uiam que est a latere dicte domus domini Lamberti De cuius uenditionis precio me teneo et habeo in numerata pecunia penitus propagato et propter hoc de dicta camera et de manso ad eam pertinente et de iure mihi in alio manso predicto competente ego me penitus deuestiens predictos abbatem et conuentum corporaliter inuestiui et teneor ac promitto sub obligatione bonorum meorum omnium et iuramento prestito corporali dictam cameram cum manso ad eam pertinente et ius in alio manso mihi competens dictis abbati et conuentui et eorum successoribus garantire perpetuo contra omnes et in nullo de cetero per me uel per alium contraire Hanc autem uenditionem ego Rosa soror dicti Odonis et ego Hugonettus li Baus maritus eius laudamus et ratam ac firmam habemus et promittimus imperpetuum habere iuramento prestito et in nullo de cetero per nos uel per alios ratione dotis uel dotalicii uel modo alio contraire ac nunquam in predictis aliquid de cetero relamare In premissorum igitur omnium testimonium nos Odo Rosa et Hugonettus predicti presentibus litteris sigilla uirorum uenerabilium domini Mercatoris decani capelle Ducis et magistri Alberici decani Christianitatis Dyuionensis fecimus apponi Actum anno Domini MCC quinquagesimo primo mense octobris