Charter Document - 05270021
| Charter Number: | 05270021 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1251 |
| Date type: | Internal, A.D. |
| Resource Link(s): |
|
Charter:
Ego Henricus de Uirgeio dominus Mirebelli Burgundie senescallus notum facio omnibus presentes litteras inspecturis quod cum discordia uerteretur inter uiros uenerabiles et religiosos abbatem et conuentum ecclesie Sancti Stephani Dyuionensis ex una parte et Ulricum Botet et Theobaldum fratrem eius homines meos de Fontanis et Dominicum nepotem eorum filium Petri Botet quondam fratris eorumdem clericum ex altera super quadam elemosina quam Perellus filius Marie quondam sororis Petri dicti Albi consanguinei eorumdem fecit ecclesie Sancti Stephani de domibus uineis denariis et rebus aliis cuius elemosine Ysabellis nouerca dicti Perrelli tenet ratione dotalitii medietatem cuiusdam domus et medietatem cuiusdam uinee et sexdecim libras Dyuionensium et utensilia dicti Perrelli que post ipsius nouerce decessum reuerti debent ad ecclesiam Sancti Stephani supradictam Tandem inter dictos abbatem et conuentum et prenominatos Ulricum Theobaldum et Dominicum amicabilis compositio super hoc interuenit uidelicet quod dicti Ulricus Theobaldus et Dominicus pro se et omnibus eorum heredibus presentibus et futuris quittauerunt penitus in perpetuum dictis abbati et conuentui et eorum successoribus totam predictam elemosinam et bona omnia predicti Perrelli et quicquid in hiis omnibus umquam potuerunt uel debuerunt seu possent aut deberent iure quolibet reclamare Et si quis dictos abbatem et conuentum super elemosina et bonis predicti Perrelli inquietaret de cetero tenentur et permiserunt coram me dictam elemosinam et bona predicti Perrelli dictis abbati et conuentui et eorum ecclesie iuramento prestito contra omnes garantire Et super hoc abbatem et conuentum indampnes modis omnibus conseruare et in nullo de cetero per se uel per alios contraire et ad hec se et heredes suos et bona eorum omnia specialiter obligarunt Dicti uero abbas et conuentus pro bono pacis dederunt eis undecim libras Duyuionensium de quibus se tenuerunt integre pro pagatis In cuius rei testimonium ad preces eorum sigillum meum litteris istis apposui Actum anno Domini MCC quinquagesimo primo mense augusto