Charter Document - 05270019

Uniuersis presentes litteras inspecturis fratres Stephanus et Amideus Sancti Benigni et Sancti Stephani Diuionensium abbates presentium habere noticiam cum salute Assistentes patronos coram Summo Iudice cum summa ueneratione uenerari debemus ac etiam reuereri ut ipsorum suffulti patrocinio in districto examine judicii coram iudice peruenire tutius ualeamus Ut igitur assistant pro nobis et nostris subditis patroni incliti ac omni laude dignissimi beatus protomartyr Stephanus sanctusque martyr Benignus nos fratres Stephanus et Amideus predictorum patronorum ecclesiarum Diuionensium abbates conuentuum nostrorum interueniente consensu talem fecimus inter nos caritatis et dilectionis societatem fraternitatem ac etiam unionem quod in ecclesie nobis commissis in conuentu fiet commemoratio martyrum predictorum bis in die videlicet in matutinis et in uesperis cum melodia et in choro ipsorum suffragia humiliter implorando et in festis eorumdem alter nostrum in alterius ecclesia si commode potuerit ueniet cum comitatu decenti pro diuinis officiis ibidem celebrandis celebrabiturque in iamdictis ecclesiis semel in anno in perpetuum in crastino Natiuitatis Beati Iohannis Baptiste missa de Sancto Spiritu sollempniter pro fratribus familiaribus amicis et benefactoribus earumdem concedentes ad inuicem participationem omnium bonorum spiritualium que in memoratis ecclesiis et in membris ipsarum fient et fieri contigerit in futurum Preterea de celo promittitur in terra pax hominibus bone uoluntatis quam decet perquirere cunctum populum christianum maxime uiros religiosos qui contemplantes pacem uisionis eterne diligentes proximos sicut semetipsos inherere debent totis uisceribus operibus caritatis Hac igitur inducti ratione nos abbates predicti ac animarum nostrarum saluti prouidere uolentes de consensu conuentuum nostrorum ad hec nos volumus de cetero obligari quod cum contingerit monacum Sancti Benigni decedere qui sanus et incolumis habitum habuerit monacalem in ecclesia Sancti Stephani Dyuionensis denuntiabitur et ibidem officium defunctorum celebrabitur pro eodem et fiet in eadem ecclesia in omnibus pro ipso prima die obitus sui sicut pro canonico eiusdem ecclesie fieret uiam uniuerse carnis ingresso medietasque conuentus Sancti Stephani uel maior pars secundum dispositionem abbatis uel prioris qui preerunt ibunt ad ecclesiam Sancti Benigni ad humationem faciendam monachi supradicti quod autem facient canonici Sancti Stephani pro defuncto monacco facient quidem monachi pro canonico Sancti Stephani defuncto in omnibus supradictis Item semel in anno conuentus Sancti Stephani celebrabit officium defunctorum sollempniter pro fratribus Sancti Benigni defunctis et pro animabus omnium fidelium defunctorum uidelicet die lune proxima ante Penthecostes et tunc fiet pitancia specialis conuentui in refectorio Quod similiter facient monachi pro canonicis Sancti Stephani memorati et eadem die tenetur dare abbas Sancti Benigni quatuor libras Dyuionensium ecclesie Sancti Stephani et abbas Sancti Stephani similiter quatuor libras Dyuionensium ecclesie Sancti Benigni pro predictis pictanciis hinc et inde in refectorio faciendis Si uero contigerit apud aliquam predictarum ecclesiarum aliquam personam ecclesiasticam uel nobilem sepeliri uocati uenient modo premisso ad illam ecclesiam apud quam personam predictam tradi contigerit sepulture Quando autem monachis Sancii Benigni in ecclesia Sancti Stephani uenire placuerit licebit eisdem inuitatis in eadem ecclesia pabulum uel poculum sumere caritatis Dum tamen licentiati super hoc fuerint a suo superiori quod et canonicis Sancti Stephani in ecclesia Sancti Benigni modo licebit consimili Cum autem uiros religiosos non deceat pro rebus transitoriis litigare ita ordinauimus inter nos et interueniente consensu conuentuum nostrorum uolumus in perpetuum obseruari Quod si aliquid cause controuersie litis uel greusie inter nostras ecclesias ex quacumque re mobili uel immobili iuris nominis aut cuiuscumque generis actionis emerserit per duos bonos de conuentibus nostris appositos a nobis uel successoribus nostris qui pro tempore fuerint predictum negocium terminetur et quod per illos terminatum fuerit ab ecclesiis firmum et stabile permaneat in futurum Si uero in sententiam unam non potuerint conueniere ad abbates qui preerunt negocium reportabunt qui si de sententia ferenda uel de pace facienda conuenire non potuerint remittent eam in statu in quo erit ad dominum episcopum Lingonensem qui pro tempore fuerit et quicquid idem episcopus super eadem causa pace uel iudicio dixerit uel terminauerit partes firmiter obseruabunt Et quia funiculus triplex difficile rumpitur sic nos uolumus uolentibus etiam et consentientibus conuentibus nostris astringi in perpetuum ac etiam coherceri Quod si contingat alterum monasteriorum nostrorum contra aliquem uel aliquos causam uel questionem mouere uel moueri contra ipsum coram quibuscumque iudicibus ecclesiasticis aut secularibus ordinariis delegatis seu etiam arbitris si eadem causa infra dietam unam fuerit agitata ab abbate uocatus abbas uel ipsius certo nuntio uenire tenebitur cum expensis uocantis ad prestandum consilium et auxilium bona fide contra omnes quod si canonico et legittimo inpedimento detentus fuerit mittet de suo consilio saniori Saluis in omnibus istis domino episcopo et ecclesia Lingonensi domino Duce Burgundie et illis quibus ad fidelitatem et societatem tenemur Hec omnia et singula supradicta promissimus inuiolabiliter et fideliter obseruare Nos et successores nostros et ecclesias nostras ad hec imperpetuum specialiter obligantes In cuius rei testimonium nos abbates et conuentus predicti presentibus litteris sigilla nostra duximus apponenda Actum anno Domini MCC quinquagesimo primo XCII kalendas maii mense aprilis