Charter Document - 05270018
| Charter Number: | 05270018 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1251 - 1252 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Galardus de Geureio et ego Marguaritta uxor eius confitemur et recognoscimus nos pro utilitate et necessitate nostra uendidisse in hereditatem perpetuam uiris religiosis magistro et fratribus Domus Dei de Broichons quatuor sextaria uini puri censualia de cuius uenditionis precio nos tenemus et habemus in numerata pecunia penitus pro pagatis et propter hoc assedimus dictis magistro et fratribus dicta quatuor sextaria uini percipienda et habenda singulis annis inperpetuum in uendemiis in puris racemis mustalibus super plantam nostram sitam in rua de Puteo in finagio de Geureio iuxta plantam decani de Geureio et iuxta uineam Petri Gaudeau tenemurque et promittimus per sacramentum nostrum corporaliter prestitum pro nobis et nostris heredibus garantire dictis magistro et fratribus et eorum successoribus contra omnes perpetuo dicta quatuor sextaria uini predicti percipienda et habenda singulis annis in perpetuum de cetero in uindemiis et in puris racemis mustalibus predicte plante super eandem plantam que nisi sicut premissum est annuatim soluta fuerint uolumus et concedimus ut dicti magister et fratres extunc auctoritate propria et sine curie alicuius reclamatione recurrant ad dictam plantam et eam teneant et possideant et ex ea fructus suos modis omnibus faciant quousque dicta quatuor sextaria uini predicti de quolibet anno quo soluta non fuerint eis integre reddantur et ad hoc ipsam plantam et heredes nostros et quoscumque alios eam tenentes pro tempore eisdem magistro et fratribus inperpetuum obligamus Hec autem omnia nos Andreas Guionettus Perronettus Guionettus et Emmeiardis liberi dicti Galardi laudamus et rata ac firma habemus et promittimus inperpetuum habere iuramento prestito et in nullo de cetero per nos uel per alios ratione auerie uel minoris etatis uel modo alio contraire In cuius rei testimonium et munimen nos Galardus et Marguaritta et nos eorum libri predicti presentibus litteris sigilla uirorum uenerabilium domini Mercatoris decani capelle Ducis Dyuionensis et domini Guidonis incurati de Geureio fecimus apponi Actum anno Domini MCC quinquagesimo primo mense aprilis