Charter Document - 05270017
| Charter Number: | 05270017 |
|---|---|
| Cartulary Title: | De la communauté entre époux en Bourgogne et Chartes de l'Abbaye de St Etienne de Dijon et 1250 à 1260. |
| Charter Language: | Latin |
| Charter Origin: | Lay |
| Charter Type(s): | Quittance |
| Date: | 1251 - 1252 |
| Date type: | Internal, A.D. |
| Resource Link(s): |
|
Charter:
In nomine Domini amen Ego Maria quondam uxor Lamberti lou Comte defuncti sororque domini Bigotti militis Dyuionensis defuncti confiteor et recognosco me per terminos statutos et diuisos recepisse et habuisse a uiris uenerabilibus et religiosis abbate et conuentu Sancti Stephani Dyuionensis solutiones integras et perfectas cuiusdam pecunie summe in qua mihi tenebantur ratione quittationis quam feci eisdem de omni iure si quod habebam et habere poteram et debebam in furno sito Dyuioni ad Portam Nouam de rue Boichefo et in omnibus pertinenciis et appendiciis et reditibus et exitibus furni predicti et de dicta summa pecunie prout mihi debebatur per terminos statutos me teneo et habeo in numerata pecunia penitus propagata et pro quittatione dicti furni inintegrum pro contenta et ipsum furnum cum omnibus pertinenciis et appendiciis et reditibus et exitibus dicti furni pro me et omnibus meis heredibus inperpetuum quitto dictis abbati et conuentui et eorum successoribus et eorumdem ecclesie supradicte In premissorum igitur omnium testimonium et munimen presentibus litteris sigilla uirorum uenerabilium domini Stephani abbatis Sancti Benigni et domini Mercatoris decani capelle Ducis Dyuionensis feci et rogaui et apponi Actum anno Domini MCC quinquagesimo primo mense aprilis